وەزیری بەرگری ئەڵمانیا پۆستی سەرۆکی کۆمسیۆنی ئەوروپای وەرگرت

بچووکردنەوە گەورەکردن

 

دوێنێ دووشەممە وەزیری بەرگری ئەڵمانیا، ئۆرسولا فۆن دێرلین، رایگەیاند، رۆژی چوارشەممە دەست لە پۆستی وەزارەتی بەرگری وڵاتەکەی دەکێشێتەوە.

هۆکاری دەست لەکارکێشانەوەی دێرلین دەگەڕێتەوە بۆ ئەوەی کە ناوبراو کاندیدە بۆ وەرگرتنی پۆستی سەرۆکی کۆمسیۆنی ئەوروپا.

 

 

ئەمڕۆ پەرلەمانی ئەوروپا کۆبویەوە و دەنگیاندا بۆ هەڵبژاردنی سەرۆکێکی نوێ بۆ کۆمسیۆنی ئەوروپی.

 

 

ئێوارەی ئەمڕۆ سێشەممە ئۆرسولا فۆن بە زۆینەیەکی کەم بە دەنگدانی ۳۸۳ ئەندام توانی ببێتە سەرۆکی کۆمسیۆنی ئەوروپا.

 

 

وەزیری بەرگری ئەلمانیا لە تویتێکدا رایگەیاندبوو، لەپێناو بەهێزکردنی ئەوروپا خۆی بۆ سەرۆکایەتی کۆمسیۆنی ئەوروپی کاندید کردوە.

 

 

لای خۆیەوە مێرکڵی راوێژکاری ئەلمانیا خۆشحاڵی خۆی دەربڕی بە کاندیدکردنی فۆن دێرلین بۆ ئەم پۆستە.

 

 

ئۆرسولا فۆن دێرلین،تەمنی ٦۰ ساڵە و خاوەنی ۷منداڵە بۆ ماوەی شەش ساڵ وەزیری بەرگری ئەڵمانیا بووە.