ئۆفیسی هاوپەیمانی لە پارێزگای هەڵەبجە کرایەوە

بچووکردنەوە گەورەکردن

ئۆفیسی هاوپەیمانی لە پارێزگای هەڵەبجە کرایەوە و سەرۆکی هاوپەیمانی ڕایگەیاند ئامانجمانە دەڤەری هەڵەبجە ببەێتە یەکێک لە چالاکترین دەڤەرەکانی هاوپەیمانی.

 

 

سەرۆکی هاوپەیمانی و شاندێکی یاوەری کە پێکهاتبوون لە سەرگوڵ قەرەداخی و کاروان حەمەساڵح ئەندامانی ئەنجومەنی سیاسی و عبدالستار پاشا ئەندامی ئەنجومەنی جێبەجێکردن سەردانی دەڤەری هەڵەبجەیان کرد بە مەبەستی پیرۆزبایی کردنەوەی ئۆفیسی هاوپەیمانییەوە لە پارێزگاکە و لە لایەن کارگێڕ و ئەندامانی دەڤەر و ژمارەیەک ئەندامی ئەنجومەنی نوێنەران و هاودیدانەوە پێشوازییان لێکرا.

 

 

دوای پیرۆزبایی و سەردانی بەشەکانی ئۆفیسەکە لە کۆبونەوەیەکدا سەرۆکی هاوپەیمانی باسی لە گرنگی رۆڵ و کاریگەری هاودیدانی هاوپەیمانی کرد لە کۆمەڵگەداو جەختی کردەوە کە پێویستە هاودیدانی هاوپەیمانی لەسەرجەم ئاستەکاندا خۆیان بە بەرپرسیار بزانن بەرامبەر بە کۆمەڵگەو هەرگیز خەمسارد نەبن لە پرسە گرنگەکانی پەیوەست بە ژیان و پێکەوەژیان و ئاشتی کۆمەڵایەتی.

 

 

لەتەوەرێکی تری کۆبونەوەکەدا جەخت کرایەوە لەسەر گرنگی و پێویستی پێگەی هاوپەیمانی لە سنوری پارێزگای هەڵەبجەداو بە گرنگیەوە باس لە پەیوەندی نێوان هاوپەیمانی و سەرجەم هێزەسیاسیەکان و دامودەزگا فەرمییەکانی سنوری پارێزگاکە کراو تەئکید لەسەر ئەوە کرایەوە کە هاوپەیمانی ببێتە هۆکارێک بۆ گەشەدان بە پارێزگاکە لەسەرجەم ڕوەکانەوەو کاراکتەرەکانی هاوپەیمانی ڕۆڵی گرنگ بگێڕن لە پارێزگاکەدا.

 

 

هاودیدانی هاوپەیمانی لەسنوری دەڤەری هەڵەبجە سوپاس و دەسخۆشیان لە سەرۆک و بەرپرسانی هاوپەیمانی کرد بۆ کردنەوەی ئۆفیسەکەیان و دلخۆشی و پشتیوانی خۆیان نیشاندا بۆ بەرپرسی دەڤەر و کارەکانی هاوپەیمانی لە داهاتودا لە سنورەکە.