هەفتەی داهاتوو نوێنەری 65 وڵات لەبەحرەین دژی ئێران كۆدەبنەوە

بچووکردنەوە گەورەکردن

نوێنەری ئەمریكا بۆكاروباری ئێران رایگەیاند، 65 وڵات هەفتەی داهاتوو لەبەحرەین كۆبونەوەیەك ئەنجام دەدەن بۆ تاوتوێكردنی ئاسایشی دەریایی كەنداوی خەلیج.

 

 

براین هوك، نوێنەری ئەمریكا بۆ كاروباری ئێران ئاشكرایكردوە، لەهەفتەی ئایندە كۆبونەوەكە لەبەحرەین بەبەشداری 65 وڵات ئەنجام دەدەن سەبارەت بەو مەترسیانە كە لەدەریای كەنداو بونیان هەیە.

 

 

ئاماژەی بەوەشكردووە، لەماوەی رابردوو چەند كەشتییەكی ئیمارات سوتێنران هەروەها مەترسی لەسەر كەشتییە نەوتییەكان هەیە لەدەریای كەنداو بەهۆی هەڕەشەكانی ئێرانەوە.

 

 

ئەوەش لەكاتێكدایە، دوای دەستبەسەرداگرتنی كەشتییەكی نەوتی ئێران لەلایەن بەریتانیا و هەروەها هێرشكردنە سەركەشتییە نەوتییەكەی ئیمارات بەهۆی هەڕەشەكانی تارانەوە مەترسی لەسەركەشتییە نەوتییەكان دروستبووە و هەروەها ئاسایشی دەریایی كەنداوی خەلیج مەترسی لەسەرە.