هاوپەیمانی
18, ته‌مموز 2019

 كورد تەنها یەك دۆست و پشتگیری نێودەوڵەتی هەیە

محەمەد ڕەئوف کەسایەتی سیاسەتمەدار و یەکێک لە دامەزرێنەرانی هاوپەیمانی نیشتمانی لە وتارێکدا لەسەر پرۆسەی حوکمداری هەرێمی کوردستان باس لە پێویستبونی حوکم و ئیدارەیەکی باش دەکات لەلایەن دەسەڵاتدارانی کوردەوە تا بتوانن لەو ڕێگەیەوە دۆستایەتی و نزیکی لە وڵاتانی زلهێز بەدەستبهێنن و دەنوسێت “ئەرێ هەربەراست ڕۆژ ئاوا یان دراوسێ دورو نزیكەكان دۆستی وەك ئێمەیان بۆ چیە ئەگەر دەستكاریەكی خۆمان. نەكەین ؟ ئەوەشمان لەبیرنەچێت كەدۆستی نەوت و غاز تاهەزار ساڵی دیكەش هەردەمێنێ بەڵام هەركات لەنەوتەكەی ئێمە چەورتریان دەست كەوت دەست بەئێمەوە دەنێن و ئەوانیش هەقی خۆیانەو بزنس دەكەن ،گلەییكردن و بۆڵەبۆڵكردن لەسیاسەت و ئیدارەی دەوڵەت و پەیوەندیە نێەدەڵەتیەكاندا بوونی نیەو كەس كاتی پێوەناكوژێت ئێمەش دەمێكە فێری ئەوەبووین بۆ ئەوەی لە بەرپرسیارێتی گەورەی مێژوویی مەیدانی خۆمان دەربازكەین بەخەڵك و سەركردەو ئەحزابەوە كە لێمان دەقەومێت یان شكست دێنین. یەكسەر ئەڵێین ئەمەریكاو ئینگلیزو زلهێزان خەتابارو بێ ئەخلاقن دەبافێربین جارێك جیاواز بیركەینەوەو كاربكەین و بڕیاربدەین تەنها یەك شت فریامان دەكەوێت ئەویش دەستكردن بەئەزمونكردنی حوكمڕانیەكی باش و هەنگاو بەهەنگاو سیستمێكی جوان بەپێوەرەكانی سەردەم دابمەزرێنین چیتر فێر بین لەبری گلەیی لەدۆستان بەو تەنها دۆستەی خۆمان سەدان دۆست دروست بكەین ”

 

دەقی وتارەکە بخوێنەرەوە :

 كورد تەنهایەك دۆست و پشتگیری نێودەوڵەتی هەیە

محەمەد ڕەئوف محەمەد

 

ئەوە قسەی چومسكی و كۆمەلێك بیرمەندو مامۆستای زانكۆی ڕۆژئاواییە كەهەندێكیان لەزانكۆكانی كوردستان مامۆستابوون ، ئەم قسەیە زۆر ڕاستەو دڵسۆزانەشە ،بزانین دەڵێن كێیە ئەو تەنها دۆستەی كورد، ئەو تەنها دۆستە كە دۆستە دورو نزیكەكانیشمان بۆ مسۆگەر دەكات و دەمانبات بەرەو قۆناغی گەشەسەندن بریتیە لە ئەزموونكردنی حوكمڕانیەكی باش و سەركەوتوو .

 

ئەرێ هەربەراست ڕۆژ ئاوا یان دراوسێ دورو نزیكەكان دۆستی وەك ئێمەیان بۆ چیە ئەگەر دەستكاریەكی خۆمان نەكەین ؟

 

ڕۆژئاواییەكان بەتایبەت بیرمەندو ئاكادیمیەكانیان موجامەلە نازانن و خۆیان عەیبدار ناكەن ، قەسەكەیان زۆر ڕاستە ئەگەر هەموو دونیا دۆستی ئێمە بێت ئەگەر حوكمڕانیەكی باش و دروست دادپەروەرو سیستماتكمان نەبێت و ئەگەر بەجورئەت و بەپلان دەست نەكات بەڕیشەكێشكردنی گەندەڵی ئەگەر خزمەتی هاوڵاتی نەكاتە ئامانج و وەزیرو پلەباڵاكانی نەبنە پیاوی دەوڵەت لە بری پیاوی حزب لەناوحكومەت ، ئەگەر ئەم جۆرەحوكمڕانیە نەكرێتە ئەزمونێكی سەركەوتوو ئەمریكاو ئەوروپاش لەگەڵمان بن و دۆستی ڕاستەقینەی بێ مەرامیشمان بن هەر دەڕوخێین.

 

چەند ساڵە دۆستەكان ئامۆژگاریمان دەكەن هەندێكیان بەپارەو هەنێكیان بەدۆستایەتی كە چاكسازی بكەین ، هەمووشی نوسراوەو كراوە بە پرۆژەو دیكۆمێنت كراوە بەڵام هەرجارەی بەبیانویەك جێبەجێنەكراوە وەك پێویست، چەند ساڵە پێمان دەڵێن بەشی سێ دەوڵەت مووچەخۆرو ڕاوێژكارتان هەیە و هێشتا ڕۆتین و كاردواخستن و كارپەكخستن و فریانەكەوتنی ڕۆژانە دیاردەی كاروباری ڕۆژانەتانە ، هێشتا بەردەوامن لەسەر تەرخانكردنی زۆرینەی بوجە بۆ بەكاربردن و كەمترینی بۆ ژێرخان و گەشەپێدان .

ئەرێ هەربەراست ڕۆژ ئاوا یان دراوسێ دورو نزیكەكان دۆستی وەك ئێمەیان بۆ چیە ئەگەر دەستكاریەكی خۆمان نەكەین ؟

 

چیتر با فێر بین لەبری گلەیی لەدۆستان بەو تەنها دۆستەی خۆمان سەدان دۆست دروست بكەین

 

ئەوەشمان لەبیرنەچێت كەدۆستی نەوت و غاز تاهەزار ساڵی دیكەش هەردەمێنێ بەڵام هەركات لەنەوتەكەی ئێمە چەورتریان دەستكەوت دەست بەئێمەوە دەنێن و ئەوانیش هەقی خۆیانەو بزنس دەكەن،گلەییكردن و بۆڵەبۆڵكردن لەسیاسەت و ئیدارەی دەوڵەت و پەیوەندیە نێەدەڵەتیەكاندا بوونی نیەو كەس كاتی پێوە ناكوژێت ئێمەش دەمێكە فێری ئەوەبووین بۆ ئەوەی لە بەرپرسیارێتی گەورەی مێژوویی مەیدانی خۆمان دەربازكەین بەخەڵك و سەركردەو ئەحزابەوە كە لێمان دەقەومێت یان شكست دێنین یەكسەر ئەڵێین ئەمەریكاو ئینگلیزو زلهێزان خەتابارو بێ مۆراڵن دەی بافێربین جارێك جیاواز بیركەینەوەو كاربكەین و بڕیاربدەین تەنها یەك شت فریامان دەكەوێت ئەویش دەستكردن بەئەزمونكردنی حوكمڕانیەكی باش و هەنگاو بەهەنگاو سیستمێكی جوان بەپێوەرەكانی سەردەم دابمەزرێنین چیتر فێر بین لەبری گلەیی لەدۆستان بەو تەنها دۆستەی خۆمان سەدان دۆست دروست بكەین …