وەزارەتی ئەوقاف ڕونکردنەوەیەک دەدات

بچووکردنەوە گەورەکردن

 وتەبێژی وەزارەتی ئەوقاف ئەوەی ئاشکراکرد بۆ دیاریکردنی یەکەم رۆژی جەژنی قوربان یەکی زی الحجە سوعدیە بریاری لێدەدات و ئێمەش چاوەروانی سعودیە دەکەین .

 

 

ئەمرۆ هەینی 19ی تەمووز نەبەز ئیسماعیل وتەبێژی وەزارەتی ئەوقاف و کاروباری ئایینی حکومەتی ھەرێم بەمیدیاکانی ڕاگەیاند “بۆ دیاریکردنی یەکەم ڕۆژی جەژنی قوربان 10 ڕۆژ بەر لەو وادەیە ئاشکرادەکرێت، بەوپێیەی جەژنی قوربان جیاوازەو تەنھا لەلایەن سعودیەوە ئەو ڕۆژە دیاریدەکرێت و دیاریکردنی ڕۆژی عەرەفەش بەھەمانشێوە ھەر لەلایەن سعودیەوە دیاریدەکرێت”.

 

 

ناوبراو ئەوەشی خستەروو “کە یەکی زی الحجە سعودیە بڕیاری لێدەدات کە ١٠ی زی الحجە دەکەوێتە چەندی مانگەوە، ئەوەی باسیش لەدیاریکردنی 11/ 8/ 2019 دەکرێت، ھیچ بنەمایەکی نییە”.

 

 

هاوکات جەختیشیکردەوە، “ئێمەش چاوەڕوانی سعودیە دەکەین، دواتر جەژنی قوربان وەکو جەژنی ڕەمەزان نییە چاوەڕوانی بینینی مانگ بکرێت ئاخۆ لەکام وڵات مانگ بینرا ئینجا بکرێتە جەژن، بەڵکو تەنھا سعودیە بڕیاری دیاریکردنی یەکەم ڕۆژی عەرەفەو جەژنی قوربان دەدات و ١٠ ڕۆژیش بەر لەھاتنی جەژن یەکەم ڕۆژ دیاریدەکرێت”.