ئێران ڕەتیکردەوە کە فرۆکەکەیان تێکشکابێت لە کەنداو

بچووکردنەوە گەورەکردن

 وتەبێژی هێزە چەکدارەکانی ئێران ئەوەی ئاشکراکرد لە بارەی تێکشکاندنی فرۆکە بێ فرۆکەوانیەکانیان لەلایەن هێزەکانی ئەمریکاوە لەکانداو دوورە لەراستیەوە و ئەوهەواڵەش تەنها بۆ شێواندنی ئاسایشی ئاوەکانی کەونداوە.

 

 

ئەمرۆ هەینی 19ی تەمووز ئەبولفەزل شكارچی،وتەبێژی ھێزە چەكدارەكانی ئێران لەراگەیاندراوێکدا رایگەیاند “لێدوانەكانی سەرۆكی ئەمەریكا و وەزارەتی بەرگری ئەمەریكا لەبارەی تێكشكاندنی فڕۆكەیەكی بێ فڕۆكەوانی ئێران لە نزیك كەشتی جەنگی یو ئێس ئێس باكسەر رەتکردەوە”.

 

 

ناوبراو ئەوەشی خستەروو “ھەموو فڕۆكە بێ فڕۆكەوانەكانی ئێران لەژێر كۆنترۆڵی ھێزەكانیان دایە و دوای پشكنینی وردی ناوچەكە و كەشتیە جەنگیەكە، فڕۆكە بێ فڕۆكەوانەكەیان بە سەلامەتی گەڕاوەتەوە و كەشتی باكسەر ھیچ بەرگریەكی نەكردووە”.

 

 

هاوکات لەبارەی لێدوانەکەی دۆناڵد ترامپ رایگەیاند “كە لێدوانەكانی ترامپ بە مەبەستی تێكدانی ئاسایشی ئاوەكانی كەنداو و گەرووی ھورموزە”.

 

 

ئەمەش لەکاتێکدایە کەدوێنی دۆناڵد ترامپ لەلێدوانێکیدا بۆ کەناڵی ئێن بی سی نیوزی ئەمریکی رایگەیاند کە هێزەکانیان توانیویانە فرۆکەیەکی بێ فرۆکەوانی ئێران تێکبشکنێنن کە ویستویەتی نزیک بکەوێتەوە لە کەشتیەکانیان .