پەیامی ئامۆژگاری لە ئەحمەدی نەژادەوە بۆ ترەمپ

بچووکردنەوە گەورەکردن

سەرۆكی پێشووی كۆماری ئیسلامی ئێران داوا لە تاران و واشنتۆن دەکات ناکۆکیە مێژوویەکانی نێوان هەردوو وڵات بە گفتوگۆکردن چارەسەر بکەن.

 

 

مەحمود ئەحمەدی نەژاد سەرۆكی پێشووی كۆماری ئیسلامی ئێران لە پەیوەندییەكی تەلەفۆنیدا بە ڕۆژنامەی (نیویۆرك تایمز)ی ئەمریكی ڕاگەیاندوە، دۆناڵد ترەمپ سەرۆكی ئەمریكا كەسێكی كردە و سەرمایەدارە ودەتوانێت بڕیاربدات.

 

ئەو بەرپرسە داوای لە ترەمپ کردووە بەشێك لە سزاكان لەسەر ئێران هەڵبگرێت و کار لەسەر بنەماکانی خەرجی و قازانج و سوودەكانی هەردوو وڵات بکات بۆ ماوەیەكی دوور مەودا، و گفتوگۆیەكی ڕاستەوخۆ لەگەڵ تاراندا ئەنجام بدات.

 

ئەحمەدی نەژاد جەختیشیكردەوە، پێویستە تاران و واشنتۆن گفتوگۆیەكی ڕاستەوخۆ دەست پێبكەن بۆ یەكلایی كردنەوەی ئەو ناكۆكیانەی كە لە ساڵی 1978 وە لە نێوان هەردوو وڵاتدا دروست بوون.

 

بەپێی زانیارییەکان ئەحمەدی نەژاد، سێ پەیامی ئاڕاستەی ترەمپ كردووە كە تیایاندا بیرۆكەی فەلسەفی و ئامۆژگاری بەڕێوەبردنیان بۆ ترەمپ تێدابووە، و داوای لێکردووە کار لەسەر ئەو بنەمایانە بکات.