وەرزشکردن پێویستییەک بۆ بەردەوامبوون لە ژیان

بچووکردنەوە گەورەکردن

 

وه‌رزش ده‌مانپارێزێت له‌ كۆمه‌ڵێك نه‌خۆشی، بۆیه‌ پێویستمان به‌ ڕاهێنانی گونجاوه‌ له‌گه‌ڵ ته‌مه‌نمان به‌سوود وه‌رگرتن له‌م ڕێنماییه‌ سادانه‌.

 

ئاشكرایه‌ كه‌ وه‌رزش كاریگه‌رییه‌كی گرنگی هه‌یه‌ له‌سه‌ر ته‌ندروستیمان وه‌ ده‌مانپارێزێت له‌ كۆمه‌ڵێك نه‌خۆشی وه‌ك نەخۆشیەکانی دڵ و شەکرە و هه‌ندێك جۆری شێرپه‌نجه‌ به‌ڵام  له‌گه‌ڵ هەڵکشانی ته‌مه‌ندا ده‌بێت گۆڕانكاری بكرێت له‌ جۆرو شێوازی ئه‌و ڕاهێنانه‌ی كه‌ ده‌كرێت.

 

  • ماوه‌ی منداڵی و هه‌رزه‌كاری 

 

ڕاهێنانی وه‌رزشی له‌ منداڵیدا هۆكارێكه‌ بۆ جێگیربوونی كێشی جه‌سته‌و پته‌وكردنی ئێسك و زیادكردنی متمانه‌ به‌خۆبوون،له‌گه‌ڵ ڕاهاتن له‌سه‌ر خه‌وێكی ته‌ندروست و گونجاو  بۆ جه‌سته‌مان بۆیه‌ پێویسته‌ له‌م ته‌مه‌نه‌دا لانی كه‌م ڕۆژانه‌ ماوه‌ی سه‌عاتێك ڕاهێنانی وه‌رزشی بكرێت .

 

وه‌ پێویسته‌ منداڵان كۆمه‌ڵێكی جۆراوجۆر له‌ یارییه‌ وه‌رزشیه‌كان بكه‌ن بۆ په‌ره‌پێدانی زیاتری تواناجه‌سته‌ییه‌كانییان وه‌كو مه‌له‌وانی و لێدانی تۆپ و چالاكیه‌ جه‌سته‌ییه‌كان له‌ گۆڕه‌پانه‌كاندا وه‌ بۆ ئه‌و هه‌رزه‌كارانه‌ش كه‌ به‌شدارنابن له‌ یارییه‌ ه‌كۆمه‌ڵه‌كاندپێویستیان

به‌ مه‌له‌وانی و یاریه‌كانی گۆڕه‌پان و مه‌یدان هه‌یه‌ بۆ پارێزگاری له‌ توانا جه‌سته‌ییه‌كانییان.

چونكه‌ له‌ ماوه‌ی هه‌رزه‌كاریدا ، جۆرێك له‌ خاوبوونه‌وه‌ و لاوازی ڕوو له‌ جه‌سته‌مان ده‌كات وه‌ به‌ تایبه‌تیش كچان ، زیاتر بۆیه‌ وه‌رزش له‌م ماوه‌ هه‌ستیاره‌ی ته‌مه‌ندا پارێزگاری له‌ شێواز و  ڕوخساری جه‌سته‌مان ده‌كات و دوورمان ده‌خاته‌وه‌ له‌ دڵه‌ڕاوكێ و شپرزه‌یی.

 

 

 

 

  • قۆناغی بیست ساڵی

 

مرۆڤ له‌م ته‌مه‌نه‌یدا ، له‌وپه‌ڕی   چالاكی جه‌سته‌ییدایه‌ بۆیه‌ گونجاوترین كاته‌ بۆ كاردانه‌وه‌ی خێراو  زۆرترین ڕێژه‌ی ئۆكسجین ده‌ڕوات بۆ ماسولكه‌كان .

چونكه‌ له‌ دوای ئه‌م ته‌مه‌نه‌وه‌ ، ئه‌و ڕێژه‌یه‌ به‌ره‌و دابه‌زین ده‌چێت به‌ڕێژه‌ی له‌ 1%  بۆ هه‌رساڵێك ،بۆیه‌ چالاكی  جه‌سته‌یی ڕێكخراو  ڕێگری له‌ دابه‌زینی ئه‌و ڕێژه‌یه‌ ده‌كات له‌ داها تودا .

 

ئه‌گه‌ر تۆ كه‌سێكی به‌رده‌وامبیت له‌ سه‌ر ڕاهێنانه‌ وه‌رزشیه‌كان ئه‌وا پێویستت به‌ڕێنمایی كه‌سێكی تایبه‌تمه‌ندی بواری وه‌رزشه‌ بۆ پێدانی زانیاری و خشته‌یه‌كی ته‌ندروست كه‌ تایبه‌ته‌ به‌ زانیاری له‌باره‌ی گرژی و قه‌باره‌و هه‌مه‌جۆری ڕاهێنانه‌كان بۆ ده‌ستكه‌وتنی پلانێكی گونجاوی وه‌رزشی ته‌واوی وه‌ك ئه‌نجامدانی وه‌رزشی ( تریالتۆن ) كه‌ پێكهاتوه‌ له‌ سێ قۆناغی یه‌ك له‌دوای یه‌ك كه‌ به‌ مه‌له‌وانی ده‌ستپێده‌كات و دواتر پاسكیل سواری و پاشان به‌ ڕاكردن كۆتایی دێت.

 

 

 

 

  • قۆناغی سی ساڵی

 

له‌م ته‌مه‌نه‌داو له‌گه‌ڵ چڕبونه‌وه‌ی  ژیانی خێزانیدا ، زۆر گرنگه‌ پارێزگاری له‌ ته‌ندروستی دڵ و ده‌ماره‌كان بكه‌ین بۆ كه‌مكردنه‌وه‌ی ئه‌و فشاره‌ی له‌سه‌رجه‌سته‌مان دروست ده‌بێت به‌هۆی سه‌رقاڵیمانه‌وه‌ ، وه‌ئه‌گه‌ر سروشتی كاره‌كه‌مان  وایه‌ كه‌ پێویستی به‌ دانیشتنی زۆره‌ ده‌بێت هاوسه‌نگی جه‌سته‌ڕابگرین به‌ جوڵه‌ی به‌رده‌وام و گواستنه‌وه‌ی كه‌ل و په‌لی چوارده‌ورمان و سه‌ركه‌تن به‌ قادرمه‌داو و به‌كارهێنانی گه‌رماو له‌ شوۆنێكی دوورتر له‌ شوێنی كاره‌كه‌مان و وه‌ستان به‌پێوه‌ له‌ كاتی په‌یوه‌ندی ته‌له‌فۆنیداو لانی كه‌م هه‌ر نیوسه‌عات جارێك جوڵه‌یه‌كی گونجاو ئه‌نجام بده‌ین .

 

وه‌بۆ ئه‌و خانمانه‌ی كه‌ تازه‌ منداڵیان بووه‌ بۆ به‌هێزكردنه‌وه‌ی ماسولكه‌كانی حه‌وزیان پێویستیان به‌ ڕاهێنان هه‌یه‌ بۆ چاره‌سه‌ری چەند نەخۆشیەکی لاوەکی کە بەهۆی سکپڕ بونەوە دوچاری هاتوون.

 

 

  • قۆناغی چل ساڵی 

 

زۆربه‌ی خه‌ڵی له‌م ته‌مه‌نه‌دا كێشیان زیاد ده‌بێت بۆیه‌ پێویستی زیاتریان به‌ ڕاهێنانه‌كانی هێزو به‌رگه‌گرتنه‌ بۆ له‌ناوبردنی ئه‌و ڕێژه‌ چه‌ورییه‌ی كه‌ له‌جه‌سته‌دا كۆده‌بێته‌وه‌.

پێویستە ڕێگری بكرێت له‌ له‌ده‌ستدانی ڕێژه‌ی  3-8 %  ماسولكه‌ له‌ساڵێكدا و ڕاهێنانی 10  هه‌فته‌یی به‌رگه‌گرتن پێویسته‌ بۆ توانه‌وه‌ی چه‌وری له‌ش به‌ ڕێژه‌ی  1.8 کیلۆگرام.

 

وه‌ده‌كرێت پرۆگرامێكی ڕاهێنانی قورسایی ده‌ستپێبكرێت له‌ هۆڵێكی وه‌رزشیدا له‌گه‌ڵ ڕاكردن و ئه‌نجامدانی ( بیلاتیس ) كه‌ سودێكی زۆری هه‌یه‌ بۆ كه‌مكردنه‌وه‌ی ئازارو كێشه‌كانی پشت كه‌له‌م ته‌مه‌نه‌دا سه‌رهه‌ڵده‌دات.

 

 

  •  قۆناغی په‌نجا ساڵی 

 

له‌م ته‌مه‌نه‌دا ئازاره‌كانی پشت و جومگه‌كان و نه‌خۆشیه‌ درێژخایه‌نه‌كانی وه‌ك دڵ و شه‌كره‌ سه‌رهه‌ڵده‌ده‌ن وه ‌له‌لای خانمانیش ئاستی هۆرمۆنی ( ئیسترۆجین ) داده‌به‌زێت به‌هۆی وه‌ستانی سوڕی مانگانه‌وه‌ ، بۆیه‌ لانی كه‌م پێویستیمان به‌ دووجار وه‌رزشكردنی ئاسن و ڕۆشتن به‌پێ هه‌یه‌ له‌ هه‌فته‌یه‌كدا بۆ پارێزگاری کردن له‌ هاوسه‌نگی هه‌ناسه‌و عه‌ره‌ق كردنه‌وه‌و به‌هێزبوونی زیاتری  ماسولكه‌كانی له‌ش .

 

  • قۆناغی شه‌ست ساڵی

 

له‌م ته‌مه‌نه‌دا نه‌خۆشیه‌ درێژخایه‌نه‌كان زیاد ده‌كه‌ن و پیربوونی خێرا هۆكارێكی سه‌ره‌كی توشبونه‌ به‌ شێر په‌نجه‌ بۆیه‌ به‌رده‌وامی له‌سه‌ر وه‌رزش و چالاكیه‌ جه‌سته‌ییه‌كانڕێگرن له‌ توشبوون به‌ شێرپه‌نجه‌ به‌گشتی و شێرپه‌نجه‌ی مه‌مك لای خانمان به‌تایبه‌تی

له‌دوای وه‌ستانی سوڕی مانگانه‌ و هه‌روه‌ها شێرپه‌نجه‌ی كۆڵۆن و منداڵدان و هه‌روه‌ها ڕێگریش ده‌كات له‌ نه‌خۆشیه‌كانی دڵ و شه‌كره‌، ‌له‌م ته‌مه‌نه‌دا جۆرێك له‌ لاوازی و خاوبونه‌وه‌ ڕوو له‌ جه‌سته‌ده‌كات  وه‌ ده‌كرێت سه‌ماكردنیش وه‌ك وه‌رزشێك بكرێت چونكه‌ جوڵه‌یه‌كی زۆری تێدایه‌و هه‌ستیش به‌ئارامیه‌كی زیاتر ده‌كرێت له‌ ڕوی ده‌رونیه‌وه‌  بۆیە ‌پێویسته‌ ڕاهێنانه‌كان به‌رده‌وامییان هه‌بێت بۆ ته‌ندروستی دڵ و ده‌ماره‌كان  یان به‌ ڕۆشتنی خێرا چونكه‌ له‌ ته‌مه‌نی حه‌فتا ساڵیه‌وه‌ ئێسكی مرۆڤه‌كان ناسك و نه‌رم ده‌بن و زیاتر ڕووبه‌ڕوی شكان و له‌جێچوون  و كه‌وتنه‌ سه‌ر جێگامان ده‌كه‌نه‌وه‌و گه‌ڕانه‌وی جه‌سته‌ بۆ بارودۆخی پێشتری كارێكی ئه‌سته‌م ده‌بێت.

 

بۆیه‌ زۆر پێویسته‌ وه‌رزشی ڕۆشتن بكرێت ته‌نانه‌ت به‌ده‌م قسه‌كردنیشه‌وه‌یان كاتی سه‌ردانی كردنی خێزان و هاوڕێیان

وه‌كردنی ڕاهێنانه‌كانی هێز گرنگه‌ بۆ ڕاگرتنی هاوسه‌نگی ته‌ندروستیمان وه‌ئه‌وه‌ی زۆرگرنگه‌ له‌م باسه‌ماندا ، ئه‌وه‌یه‌ كه‌ پێویستمان به‌ جوڵه‌ی به‌رده‌وام هه‌یه‌ بۆ به‌رده‌وامبوونمان له‌ژیان