وەفدێکی دەڤەری هەڵەبجە سەردانی پارێزگاری شارەکە دەکات

بچووکردنەوە گەورەکردن

وەفدێکی دەڤەری هەڵەبجەی هاوپەیمانیی نیشتمانی سەردانی پارێزگاری هەڵەبجەیانکرد و دووپاتی پەیوەندی دوولایەنەیان کردەوە.

 

ئەمڕۆ ٢٨ تەموز وەفدێکی دەڤەری هەڵەبجەی هاوپەیمانیی نیشتمانی کە پێکهاتبوو لە شێخ کاوان حەمەسەعید کارگیڕی دەڤەر فاروق محەمەد یاریدەدەری کارگێڕ و نەوشیروان محەمەد ئەندامی ئەنجومەنی نوێنەران و هەریەکە لە کارزان کەمال و بڕیار عبدالقادر ئەندامانی دەڤەر سەردانی دیوانی پارێزگای هەڵەبجەیان کرد و لەلایەن ئازاد تۆفیق پارێزگاری هەڵەبجەوە پێشوازییان لێکرا.

 

لە دیدارێکی دۆستانەدا وەفدەکەی هاوپەیمانی دیدو ڕوانینی هاوپەیمانی خستە ڕوو سەبارەت بە پەیوەندی نێوان یەکە ئیداریەکان و هێزە سیاسیەکان و تەئکیدی لە خزمەتی هەمەلایەنە کردەوە بە کۆمەڵگەو پێویستی کاری دەستەجەمعی و پێکەوەیی دوپات کردەوە.

 

لە بەرامبەردا پارێزگاری هەڵەبجە خۆشحاڵی خۆی دەربری بە سەردانەکەو بەڵێنی ئاسانکاری و هەماهەنگی دوولایەنەی دایە وەفدەکەی هاوپەیمانی بە ئاراستەی خزمەتکردنی هاوڵاتیانی شارەکە و ئاوەدانکردنەوەی زیاتری نیشتمان.

 

ئەم سەردانەی دەڤەری هەڵەبجە درێژکراوەی سەردان و دیدارەکانی دەڤەرەکەیە دوای ئەوەی لە دوو هەفتەی ڕاوبردوودا ئۆفیسی هەڵەبجەی هاوپەیمانی بە فەرمی کرایەوە.