ئێران بەڕێگایەکی نوێ بەها بۆ دراوەکەی دەگێڕێتەوە

بچووکردنەوە گەورەکردن

کۆماری ئیسلامی ئێران لە ڕێگەی لابردنی چوار سفری سەر دراوەکەیەوە هەوڵ بۆ گێڕانەوەی بەهای دراوەکەی دەدات.

 

 

 

میدیاکانی ئێران بڵاویان کردۆتەوە حکومەتی کۆماری ئیسلامی ئێران،” ئەمرۆ چوارشەممە لە کۆبوونەوەى ئەنجومەنى وەزیراندا، حەسەن رۆحانی سەرۆک کۆماری ئێران بڕیاریداوە گۆڕانکاری لە دراوی نیشتیمانی ئێراندا بکات و دراوەکەیان لە ریاڵەوە بگۆڕێت بۆ تمەن”.

 

 

بەپێی زانیارییەکان، لە کۆبونەوەکەدا بڕیاریداوە چوار سفری سەر دراوە ئێرانییەکە لاببرێت و بانکی ناوەندی ئێرانیش بە بڕیارەکە رازی بووە.

 

 

میدیاکانی ئەو وڵاتە ئەوەشیان باسکردووە، ئامانج لەو بڕیارەی کۆماری ئێران گەڕانەوەی بەهایە بۆ دراوی ئێرانی و هەروەها گەڕانەوەی دراوی ئێرانییە بۆ ململانێی دراوە جیهانییەکان لەبازاڕی جیهانیدا و بەو هەنگاوەش تێچوى چاپ کەم دەکاتەوە”.

 

 

ئەو بڕیارەی حكومەتی ئێران لە چوارچێوەی بەردەوامبونی سزاكانی ویلایەتە یەكگرتوەكانی ئەمریكا دێت، كە ماوەی ساڵێكە بەردەوامی هەیە و بەوهۆیەوە دراوی ئێرانی بەرامبەر دۆلاری ئەمریكی بە رێژەی لەسەدا 200 دابەزی و نرخەكەی شكا.

 

دا. شەهێن وەهاب