پشووی جەژنی قوربان ڕاگەیەندرا

ئەنجوومەنی وەزیرانی عێراق کۆبۆوە و ٩ڕۆژ پشووی جەژنی قوربانی بۆ سەرجەم فەرمانبەران ڕاگەیاند.

 

ئەمڕۆ سێ‌ شەممە ئەنجوومەنی وەزیرانی عێراق ڕایگەیاند، پشووی جەژنی قوربانی پیرۆز بۆ تەواوی فەرمانبەران،  لە ڕۆژی یەك شەممە 11ی ئابەوە دەستپێدەكات و تا ڕۆژی پێنج شەممە 15ی ئاب بەردەوام دەبێت.

 

راشیگەیاندوە، بەمشێوەیە ژمارەی ڕۆژانی پشوو دەگاتە 9 ڕۆژ بە ڕۆژانی پشووی ئاساییەوە.

 

ئەم ڕاگەیەندراوەی ئەنجوومەنی وەزیرانی عێراق لەكاتێكدایە، حكومەتی هەرێم بەشێوەیەکی فەرمی پشووی جەژنی دیارینەکردوە، و بەپێی سەرچاوە نافەرمییەکان هەرێم تەواوی هەفتەی داهاتوو دەکاتە پشوو بەهۆی جەژنی قوربانەوە.

 

پێشتریش فەلەکناسی سعودییە رایگەیاندووە کە ڕۆژی 11-8-2019  یەکەم رۆژی جەژنی قوربانی پیرۆزە.

 

هەواڵ. شەهێن وەهاب