ئەردۆغان سوورە لە سەر هێرشکردنە سەر باکووری سوریا

 

ڕەجەب تەیب ئەردۆغان  بەفەرمی وەڵامی وەزیری بەرگری ئەمریکای دایەوە و وتی”ئەگەر ئێستا هێرشی سەربازی نەکەینە سەر باکووری سوریا ئەوا ئەبێ لە داهاتوودا باجەکەی بدین”.

 

 

 

سەرۆکی تورکیا وەڵامی ئەمریکای لەسەر هێرشکردنە سەر  هێزەکانی سوریای دیموکراتی دایەوە و وتی “ئێمە بەردەوام دەبین لە هەڵبژاردنی بژاردەی سەربازی بۆ چارەسەری کێشەکانی باکوری سوریا و دروستکردنی ناوچەی ئارام بەوشێوەیەی مەبەستمانە لەپێناو ئارامکردنی ناوچەکە”.

 

 

ئەردۆغان ئەوەشی وت  “نامانەوێت کڕینی سیستەمی ئێس 400ی روسی ببێتە هۆی تێکچونی پەیوەندییکانمان لەگەڵ ئەمریکادا و دەبێت ئەوەش بزاندرێت کاتی شەڕکردن دژی گروپە چەکدارییەکانی سوریا زۆر نزیک بووەتەوە و لەماوەیەکی کەمدا ئەو شەڕە ڕودەدات “.

 

 

ئەم لێدوانەی سەرۆکی تورکیا دوای ئەوە دێت ئەمڕۆ چوارشەممە مارک ئیسپەر وەزیری بەرگری ئەمریکا رایگەیاند “هیوادارین لەگەڵ تورکیا دەربارەی دۆخی باکوری سوریا بگەینە رێککەوتن و کێشەکان چارەسەر بکەین  و بەهیچ شێوەیەک قبوڵی ناکەین تورکیا هێرش بکاتە سەر هاوپەیمانەکانیان چونکە واشنتۆن دڵنیایە لە زەرەرمەندبوونی هەمو لایەک لەم هەنگاوە تاک لایانەیە.

 

 

و. دانا زەنگەنە