سه‌رۆكی حكومه‌ت پەیامێکی بڵاوکردەوە

سه‌رۆكی حكومه‌تی هه‌رێمی كوردستان به‌بۆنه‌ی هاتنی جه‌ژنی قوربانی پیرۆزه‌وه‌ په‌یامێكی بڵاوكرده‌وه‌ و هیوای خواست سەقامگیری و ئاشتەوای بۆ ناوچەکە بگەڕێتەوە.
مه‌سرور بارزانی، سەرۆکی حکومەتی هەرێمی کوردستان ئه‌مڕۆ 10ی ئابی 2019  پایامێکی پیرۆزبای بە بۆنەی جەژنی قوربانەوە بڵاوکردەوە و لە پەیامەکەدا هاتووە،” لەم ساتە پیرۆزانەدا ئومێدەوارین هەموو گرژی و ئاڵۆزییەکان لەم ناوچەیەدا بە رێگەی گفتوگۆ و بە شێوەیەکی ئاشتیانە کۆتایی پێ بێن وئاشتی وئارامی سەقامگیر ببێت”.
لەبەشێکی تری پەیامەکەدا، پیرۆزبایی هاتنی جەژنی قوربان لە سەجەم موسڵمانانی کوردستان و عێراق وجیهان دەکات.
ده‌قی په‌یامه‌كه‌:
بە بۆنەی جەژنی قوربانی پیرۆزەوە ، پیرۆزباییەکی گەرم لە موسڵمانانی کوردستان و عێراق وجیهان دەکەم . بەتایبەتیش جەژنی  خانەوادەی شەهیدان و پێشمەرگە قارەمانەکان پیرۆز دەکەم.
لەم ساتە پیرۆزانەدا ئومێدەوارین هەموو گرژی و ئاڵۆزییەکان لەم ناوچەیەدا بە رێگەی گفتوگۆ و بە شێوەیەکی ئاشتیانە کۆتایی پێ بێن وئاشتی وئارامی سەقامگیر ببێت.
هیوادارین بە یەکریزی و تەبایی، هەموومان بە یەکەوە بتوانین ھاوکار بین لە پێناو خزمەتکردنی زیاتری گەل و گەشەسەندنی وڵات.
هەواڵ. شەهێن وەهاب