سعودیە ئاماری ئەمساڵی حاجیانی بڵاوکردەوە

نزیکەی 2 ملیۆن و 500 هەزار حاجی سەردانی وڵاتی سعودییەیانکردوە بۆ بەجێگەیاندنی فەریزەی حەج.

 

دەستەی گشتی ئامار لە سعودیە ڕایگەیاند، ژمارەی ئەو حاجییانەی بۆ مەبەستی بەجێگەیاندنی فەریزەی حەج ڕویان لە سعودیە کردوە، گەیشتووەتە 2 ملیۆن و 489 هەزار و 406 کەس، ملیۆنێک و 855 هەزار و 27 حاجییان لە دەرەوەی سعودییەوە هاتوون و ژمارەی حاجییانی ناوخۆی سعودیەش گەیشتە 634 هەزار و 379 حاجی.

 

دەستەی گشتی ئامار لە سعودیە روونیشیکردەوە، ژمارەی حاجییان لە رەگەزی نێر، کە سەردانی ئەو وڵاتەیان کردوە لە ناوخۆ و دەرەوە ملیۆنێک و 385 هەزار و 234 کەسە و ژمارەی حاجییان لە رەگەزی مێ ملیۆنێک و 104 هەزار و 172 کەس.

 

بەپێی زانیارییەکان، ژمارەی حاجییان بەبەراورد بەساڵانی ڕابردوو بە ڕێژەیەکی زۆر زیادیکردوە.

 

هەواڵ. شەهێن وەهاب