ئێران بڕیارێک بۆ گەشتیارانی عێراقی دەردەکات

بەپێی بڕیارێکی نوێی حکومەتی ئێران لەمەودوا عێراقییەكان دەتوانن بە ئۆتۆمبێلی كەسیی خۆیان لە تەواوی ڕێڕەوە سنوورییەكان بچنە ناو خاكی ئێرانەوە.

 

موحەمەد ئیسماعیلی وتەبێژی كونسوڵخانەی كۆماری ئیسلامی ئێران لە بەسرە بە میدیاکانی ئێرانی ڕایگەیاند، ” گەشتیارانی عێراق دەتوانن بە ئۆتۆمبێلی تایبەتی خۆیان لە تەواوی ڕێڕەوە سنوورییەكانەوە بێنە ناو خاكی ئێرانەوە”.

 

مەرجی هاتنی ئۆتۆمبێلی عیراقیش بۆ ناو خاکی ئەو وڵاتە، ئەوەیە كە شۆفێرەكە دەبێ خاوەن ئۆتۆمبێلەكە بێت و خاوەن ئۆتۆمبێلەكەش بڕی 250 دۆلار بۆ بیمە بدات.

 

هەواڵ. شەهێن وەهاب