چوونه‌ ده‌ره‌وه‌ی وڵات له‌و كەسانە قەدەغە دەكرێت كه‌ قەرزاری باجن

وەزارەتی دارایی و ئابووری ڕایگەیاند گەشتكردنی باجدەری قەرزار قەدەغە دەكرێت بۆ دەرەوە. بەمەبەستی ڕێكاری یاسایی لە بەرامبەر ئەو كەسانەی قەرزاری باجن.

 

بەپێی نووسراوێكی وەزارەتی دارایی و ئابووری حكوومەتی هەرێمی كوردستان، بەڕێوەبەرایەتی گشتی باجەكان و خانووبەرەی میری و بەڕێوەبەرایەتی گواستنەوەی موڵكایەتی هاتووە، بەپێی نووسراوی وەزارەتی دارایی و ئابوری و بەڕێوەبەرایەتی باجەكان، گەشتكردنی باجدەری قەرزار قەدەغە دەكرێت بۆ دەرەوە.

 

راشیده‌گه‌یه‌نن ئەو بڕیارە بە پشتبەستن بەو بڕیارەی وەزارەتی ناوخۆی حكوومەتی هەرێمی كوردستان بە ژمارە 9751 تایبەت بە قەدەغەكردنی گەشت لە باجدەری قەرزار بەمەبەستی ڕێكاری یاسایی بۆ ئەو كەسانەی قەرزاری باجن.

هەواڵ. شەهێن وەهاب