هاوپەیمانی و بزوتنەوەی ئیسلامی لە کەرکوک جەختیان لە پەیوەندیی دوولایەنە کردەوە

هاوپەیمانی و بزوتنەوەی ئیسلامی لەسەر ئاستی کەرکوک کۆبونەوەو جەتیان لە پەیوەندی دوولایەنە کردەوەو بە گرنگیەوە باسیان لە هەماهەنگی نێوان هێزە سیاسیەکان کردەوە لەشارەکە و تەئکید لە رێگەچارەی ئاشتیانە کرایەوە بۆ چارەسەرکردنی کیشەکانی شارەکە.

 

وەفدێکی دەڤەری کەرکوکی هاوپەیمانیی نیشتمانی کە پێکهاتبوو لە کامل جەلال کارگێڕی دەڤەر و مامۆستا سەلام عەزیز ئەندامی ئەنجومەنی نوێنەران و تاریق تەها ئەندامی دەڤەر سەردانی مەڵبەندی بزوتنەوەی ئیسلامیان لە کەرکوک کرد و لەلایەن حەسەن شیخانی بەرپرسی مەڵبەند و ژمارەیەک کارگێڕو ئەندامانی مەڵبەندەوە پێشوازییان لێکرا.

 

لە تەوەرێکی کۆبونەوەکەدا باس لە پەیوەندییەکانی هەردوولاکراو جەخت کرایەوە لە گرنگی کاری پێکەوەیی و دەستەجەمعی و تەبایی نێوان لایەنەکان.

 

لە بەشێکی تری دیدارەکەدا باس لە کێشەو گرفتەکانی شارەکە کراو هەردوولا جەختیان لە چارەسەری یاسایی و دەستوریی کردەوە  بۆ گرفتەکان و تەئکید کرایەوە لە ڕێگەچارەی ئاشتیانە لە لایەن سەرجەم پیکهاتەکانی شارەکەوە.

 

 

 

ژوری هەواڵ