سەربازی زۆرەملێ  هاوڵاتیانی کوردستانیش دەگرێتەوە

جێگری سەرۆکی لیژنەی پێشمه‌رگه‌ و ناوخۆ و ئاسایش و ئەنجوومەنە خۆجێیەکانی پەرلەمانی کوردستان رایدەگەیەنێت، پێشنیارکراوە ھێزێکی نیشتمانی لە گەنجان پێکبھێنرێت بۆ خزمەتی سەربازی زۆرەملێ.

 

عوسمان کەریم سوارە، جێگری سەرۆکی لیژنەی پێشمه‌رگه‌ و ناوخۆ و ئاسایش و ئەنجوومەنە خۆجێیەکانی پەرلەمانی کوردستان رایگەیاند، هەوڵێک هەیە بۆ سەپاندنی خزمەتی سەربازی زۆرەملێ بەسەر گەنجان کە لەماوەی ساڵێک تا دوو ساڵ دەخایەنێت، بەڵام لیژنەکەیان لە پەرلەمانی کوردستان گفتوگۆ دەکات بۆ ئامادەکردنی پرۆژەیاسایەک بۆ خزمەتی سەربازی، بەڵام لە ژێر ناوی زۆرە ملێدا نەبێت.

 

 

لایخۆشیەوە كەریم عەلەوی ئەندامێكی فڕاكسیۆنی فەتح ڕایگەیاندوە، بەرنامەی سەربازی زۆرەملێ”تجنید” دەچێتە بواری جێبەجێ‌ كردنەوە و مەبەستی كارەكەش یەكخستنەوەی تەواوی تواناكانی عێراقە، بە هەرێمی كوردستانیشەوە.

 

 ئەو پەڕلەمانتارە باسی لەوەشکردوە، یەكخستنەوەی حەشدی شەعبی و هێزە ئەمنییەكان پێشمەرگەش دەگرێتەوە و پێویستە بخرێنە چوارچێوەی دامەزراوە فەڕمی و ئەمنییەكانەوە.

 

هەواڵ. شەهێن وەهاب