لەسەر هێرشەکانی دوێنێ شەو ئێران وەلامی ئیسرائیلی دایەوە

فەرماندەیەکی باڵای کۆماری ئیسلامی ئێران ڕەتیکردەوە شەوی ڕابردوو ئیسڕائیل هێرشی کردبێتە سەر پێگە سەربازییەکانیان لە سوریا.

 

 

 

پاش بڵاوبوونەوەی هەواڵی هێرشێکی ئاسمانی بۆ سەر هێزە چەکدارییەکانی ئێران لە سوریا، فەرماندەیەکی باڵای ئەو وڵاتە ڕەتی کردەوە و بە چەواشەکاری بۆ سەر وڵاتەکەی ناوی برد و ڕایگەیاند، ئەو “هەواڵانە درۆیە دوورە لە ڕاستییەوە ”

 

 

موحسین ڕەزایی فەرماندەی هێزەکانی سوپای پاسدارانی ئێران ئەوەی خستەڕوو، هیچ بنکەیەکمان لە خاکی سوریا زیانی پێنەگەشتووە و ئەمریکا و ئیسڕائیل توانای ئەوەیان نییە هێرش بکەنە سەر بنکەکانمان.

 

 

سەرلەبەیانی ئەمڕۆ میدیاکانی ئیسڕائیل بڵاویانکردەوە شەوی ڕابردوو هێرشێکی چڕو پڕیان کردۆتە سەر بنکەکانی سوپای پاسدارانی ئێران لە نزیک دیمەشقی پایتەختی سوریا.

 

 

وتەبێژەکەی سوپای ئیسرائیل ئاماژەی بەوەکردبوو ، هێرشکە کراوەتەسەر هێزەکانی قودسی ئێرانی و میلیشیا شیعەکان کە ویستویانە لەڕێگای فڕۆکەی بێفڕۆکەوانی پێشکەوتوەوە هێرشبکەنە سەر هاوڵاتیانی مەدەنی ئیسرائیل.

 

هەواڵ. پێشکەوت خلیل