بەڕێوەبەری ڕێکخراوی دۆر: بەپێی ڕاپۆرتەکەی دیلۆیت داهاتی نەوت زیادیکردووە

بەڕێوەبەری ڕێکخراوی دۆر بۆ زانیاری نەوتی کوردستان ڕایگەیاند ڕاپۆرتەکانی دیلۆیت تیشکێکن لەسەر ئەو ناڕوونیەی لە کەرتی نەوتی هەرێمدا هەیە و ئاماژەی بەوەشکرد بە بەراورد لەنێوان دوو راپۆرتی دوایی دیکۆیتدا داهاتی نەوتی هەرێم بەشێوەیەکی بەرچاو زیادیکردووە.

 

وریا هەورامی بەڕێوەبەری ڕێكخراوی دۆر بۆ زانیاری نەوتی كوردستان بە دیجیتاڵ میدیای هاوپەیمانی ڕایەگایدن “بڵاوكردنەوە نوێترین ڕاپۆرتی دیلۆیت بۆ چارەكی سێهەمی ئەمساڵ جێگەی دەستخۆشیە، هیوادارین حكومەتی هەرێمی كوردستان بەردەوام بێت لە كاری وردبینی لەداهاتی نەوتی هەرێمی كوردستان، چونكە بوونی ئەم ڕاپۆرتانە بەلایەنی كەمەوە تشكێكە لەسەر ئەو ناڕوونیانەی كە هەیە لە كەرتی نەوت و غازی سروشتی هەرێمی كوردستان”.

 

وتیشی “بە شێوەیەكی گشتی ئاستی وەبەرهێنان و و داهات لە نێوان سێ‌ مانگی دووەمی 2018 و سێ‌ مانگی سێهەمی 2014 گۆرانكاری بەسەرداهاتووە بەجۆرێك زیاتر لە 4 هەزار ئاستی هەناردە و بەكاربردن زیادیكردووە، لەڕووی داهاتیشەوە ڕێژەی داهات بەشێوەیەكی گشتی بۆ هەربەرمیڵ بەڕێژەی ناوەندییەكی 7 $  زیادیكردووە”.

 

ناوبراو ئاماژەی بەوەشکرد “لەگەڵ ئەوەش ئاستی خەرجی بەكاربكردن لە كەرتی نەوت ماوەتەوە وەكو خۆیی، واتە لە %50 زیاتری داهاتی نەوت بۆ خەرجی چووە”.

 

وریا هەورامی باسی لەوەشکرد “ئێمە وەكو ڕێكخراوی دۆر بۆ زانیاری نەوتی كوردستان پێشتر و ئێستاش هیوادارین كە ئاستی خەرجی لە پرۆسە نەوتییەكان كەمبكرێتەوە و نیگەرانن لەو خەرجیە زۆرەی كە بۆ بەرهەمهێنان و كرێی گواستنەوە بەكاردێت”.