کوردستان و ئێران جەخت لە پەیوەندیەکانی نێوانیان دەکەنەوە

بچووکردنەوە گەورەکردن

وەفدێکی پەرلەمانی کوردستان بە سەرۆکایەتی جێگری سەرۆکی پەرلەمان، لە شاری بەغداد لەگەڵ وەفدێکی ئێران کۆبۆوە بۆ گفتوگۆ کردن دەربارەی پەیوەندیەکانی نێوان هەردوولا.

 

ماڵپەڕی فەرمی پەرلەمانی کوردستان بڵاویکردۆتەوە، لەکۆبونەوەکەدا سەرۆکی شاندی پەرلەمانی کوردستان باسى له‌ په‌یوه‌ندییه‌كانی نێوان هه‌رێمی كوردستان و كۆمارى ئیسلامیى ئێران كرد و ڕایگەیاند، “هەرێمی کوردستان مێژووییەکی دێرینی لەگەڵ کۆماری ئیسلامیی ئێران هەیە و لەزۆربەی قۆناغەکان هاوکاری هەرێمی کوردستان بوون و لەئێستاشدا کۆماری ئیسلامیی ئێران دوو کۆنسوڵخانەی لە هەرێمی کوردستان هەیەو پەیوەندییەکانی نێوان هەردوولا لەبوارەکانی سیاسی و ئابووری و بازرگانی زۆرباشە، و لەهەوڵی ئەوەشداین پەیوەندییەکانمان لەگەڵ پەرلەمانی ئێران بەهێز بکەین وەکو سەرجەم بوارەکانی تر”.

 

 

رونیشیکردوەتەوە: شاندی پەرلەمانی ئێران خۆشحاڵیی خۆیان بەو دیدارە دەربڕی و هیوایان خواست پەیوەندییەکانیان لەگەڵ پەرلەمانی کوردستان بەهێزتر بکەن و بەڵێنیاندا بەهەموو شێوەیەک هاوکاری و هەماهەنگیی پەرلەمانی کوردستان بکەن.

 

هەواڵ. شەهێن وەهاب