واشنتۆن: سنورێک بۆ هەرەشەکانی ئێران دادەنێین

بچووکردنەوە گەورەکردن

ئەمریکا پیتاندنی ئۆرانیۆم لە لایەن ئێرانەوە ڕەتدەکاتەوە و داواش لە وڵاتە زلهێزەکان دەکات سنورێک بۆ ئێران دابنێن.

 

مایك پۆمپیۆ وەزیری دەرەوەی ئەمریكا ڕایگەیاند “هەوڵەكانی ئێران بۆ پەرەپێدان و بەردەوامیی چالاكییە ئەتۆمی و سەربازییەكانی بە هەموو شێوەیەك ڕەتدەكەنەوە وە بەردەوامیی پیتاندنی یۆرانیۆم لەلایەن ئێرانەوە، مانای پێشێلكردنی ڕێكەوتنی ئەتۆمییە”.

 

وەزیری دەرەوەی ئەمریكا ئەوەشی خستەڕوو، “کە واشنتۆن دڵنیایە لەوەی ئەڵمانیا و فەرەنسا و بەریتانیا، وڵاتانی پێگەیشتوون و هەنگاوی یەكلاكەرەوە دەنێن بۆ ئەوەی سنورێك بۆ هەڕەشەكانی ئێران دابنێن”.

 

هاوکات مایك پۆمپیۆ سەرلەنوێ ئیدانەی ئێرانی كرد بەوەی “كە هەڵمەتێكی تیرۆریستانە پیادە دەكات لە جیهاندا واشنتۆن بە هەموو شێوەیەك بەرنامە موشەكییەكەی تاران ڕەتدەكاتەوە”.

 

ئەمەش لە کاتێکدایە، ئەمڕۆ ئێران هەنگاوی سێیەمی كەمكردنەوەی پابەندییەكانی بە رێكەوتنە ئەتۆمییەكە ڕاگەیاند و ئاژانسی وزەی ئەتۆمی ئەو وڵاتەش رایگەیاند، “قۆناغێكی دیكەی چالاكی ئەتۆمی دەستپێدەكەین”.

 

هەواڵ. شەهێن وەهاب