لەسەر داوای لایەنە کوردیەکان یۆنامی و کەسی یەکەمی لایەنەکانی کەرکوک کۆبونەوە

بچووکردنەوە گەورەکردن

لەشاری کەرکوک کۆبونەوەی کەسی یەکەمی لایەنە کوردیەکانی کەرکوک و یۆنامی بەڕێوەچوو تیایدا نوێنەری هاوپەیمانی داواکاریەکی پێشکەشکرد و داوای جێبەجێکردنی خاڵەکانی داواکاریەکەی کرد.

 

سەرلەبەیانی ئەمرۆ لە شاری کەرکوک و لەسەر داوای لایەنە کوردییەکانی شارەکە ڕێکخراوی یۆنامی لەگەڵ کەسی یەکەمی سەرجەم لایەنە کوردیەکانی شارەکە کۆبوەوەو لە کۆبونەوەکەدا باسیان لە دواین گۆڕانکاریەکانی شارەکەو بارودۆخی کۆمەڵایەتی و سیاسی و ئەمنی پارێزگاکە کردو هەموو هاوڕابوون کە پێویستە کاری جدی بکرێت بۆ ئاسایی کردنەوەی بارودۆخی شارەکە.

 

لە تەوەرێکی تری کۆبونەوەکەدا باس لە هەڵبژاردنەکانی ئەنجومەنی پارێزگاکان کراو چۆنێتی بەڕێوەچونی هەڵبژاردنی شارەکە باس و خواسی تەواوی لەبارەوەکرا.

 

دواتر شاندی یۆنامی بە وردی گوێی بۆ داوای لایەنە کوردیەکان گرت و سەرجەم لایەنەکان داواو پێشنیاری خۆیان خستەڕوو لەسەر کیشەو گرفتەکانی شارەکە.

 

کامیل جەلال کارگێڕی دەڤەری کەرکوکی هاوپەیمانیی نیشتمانی داواکارییەکی ١٣ خاڵی خستە بەردەم شاندی یۆنامی و داوایکرد بەزویی کاری لەسەر بکرێت و خاڵەکان جێبەجی بکرێت بەمەبەستی زوتر ئاسایی کردنەوەی بارودۆخی شارەکە.

 

شاری کەرکوک لەدوای ڕوداوەکانی ١٦ ئۆکتۆبەری ساڵی ٢٠١٧ ەوە بە بارودۆخێکی نائاسایی و تایبەتدا تێدەپەڕێت و بەردەوام پیکهاتەکانی شارەکە داوای ئاسایی کردنەوەی بارودۆخی شارەکەیان کردوە بە ئامانجی پاراستنی پێکەوە ژیان و ئاشتی کۆمەڵایەتی لەشارەکە.

 

 


ژوری هەواڵ