فرسه‌ت سۆفی بە پارێزگاری نوێی هەولێر هەڵبژێردرا

بچووکردنەوە گەورەکردن

له‌كۆبوونه‌وه‌ی ئه‌مڕۆی ئه‌نجومه‌نی پارێزگاری هه‌ولێر، كاندیدی پارتی دیموكراتی كوردستان فرسه‌ت سۆفی بەدەنگی 27 له‌ كۆی 28 ئه‌ندام وه‌ك پارێزگاری شارەکە هه‌ڵبژێردرا.

 

نەوزاد هادی، پارێزگاری پێشووی هەولێر دوای ئەوەی کە بۆ ماوەی نزیکەی 15 ساڵ لە پۆستی پارێزگاری شارەکەدا مایەوە لەسەر پشکی پارتی دیموکراتی کوردستان، فراکسیۆنی پارتی بڕیاریدا بە لابردنی نەوزاد هادی و دانانی فرسەت سۆفی وەک پارێزگاری نوێی هەولێر.

 

گۆڕینی پارێزگاری هەولێر لە چوارچێوەی پرۆژەکانی حکومەتی هەرێمی کوردستاندایە بۆ گۆرانکاری کردن لەپۆستە باڵاکانی وەک پۆستی بریکاری وەزیرەکان و بەرێوەبەرە گشتییەکان و بەڕێوەبەری ناحیە و قایمقامەکان.

 

چاوەڕوان دەکرێت دوای گۆڕینی پۆستی پارێزگار پۆستەکانی دیکەی شاری هەولێر گۆڕانکاری تیادابکرێت.

 

هەواڵ. شەهێن وەهاب