پێدانی ئاوی خواردنەوە لەچەند شوێنێکی شاری سلێمانی ڕادەوەستێت

بچووکردنەوە گەورەکردن

بەڕێوەبەرایەتی ئاوی سلێمانی لە راگەیاندراوێکدا ئەوەیخستەروو کە بەهۆی گواستنەوەی کارەبا بۆماوەی 24 کاتژمێر، دابەشكردنی ئاو لەچەند شوێنێک دەوەستێت.

 

ئەمرۆ پنجشەممە 12ی ئەیلولی 2019 بەرێوەبەرێتی ئاوی سلێمانی لەراگەیاندراوێکدا ئاماژەی بەوەکرد، “کە ئاگاداری هاووڵاتیانی شاری سلێمانی و چەمچەماڵ و شۆڕش و تەكییە و حەوزی بازیان دەكەین كە رۆژی یەكشەمەی داهاتوو بۆ ماوەی 24 کاتژمێر دابەشكردنی ئاو دەوەستێت”.

 

هاوکات لە راگەیاندراوەکەدا ئەوەشی خستەروو، “کە وەستانی دابەشكردنی ئاو بەهۆی گواستنەوەی دوو تاوەری كارەبایە لەلایەن بەڕێوبەرایەتی چاككردنی هێڵەكانی كارەباوە، بۆیە داوا لە هاووڵاتیان دەكەین بەكارهێنانی ئاو كەمبكەنەوە تا گرفتی بێ ئاویی ڕونەدات”.