هاوپەیمانی پشتیوانی خۆی بۆ وەزیری کاروکاورباری کۆمەڵایەتی دوپاتکردەوە

بچووکردنەوە گەورەکردن

وەفێکی هاوپەیمانی نیشتمانی سەردانی وەزیری کارو کاروباری کۆمەڵایەتیان کردو وێڕای پیرۆزبایی دەستبەکار بونیان پشتیوانی و هەماهەنگیی خۆیان بۆ دووپاتکردەوە.

 

وەفدەکەی هاوپەیمانی نیشتمانی پێکهاتبوو لە هەریەکە لە سەرگوڵ قەرەداخی ئەندامی ئەنجومەنی سیاسی و هاجەرە ئیسماعیل ئەندامی ئەنجومەنی نوێنەران و شیراز عه‌بدلغه‌نی ئەندامی نوسینگەی سەرۆکی هاوپەیمانی و لەلایەن کوێستان محەمەد وەزیری کارو کاروباری کۆمەڵایەتی حکومەتی هەرێمەوە بە گەرمی پێشوازییان لێکرا.

 

لە دیدارێکی دۆستانەدا وەفدەکەی هاوپەیمانی پیرۆزبایی خۆیان و تەواوی هاودیدانیان ئاراستەی وەزیری ناوبراو کرد بە بۆنەی دەستبەکاربونیەوە لە پۆستەکەی و هیوای سەرکەوتن و کاری باشیان بۆ خواست.

 

هەر لە میانەی سەردانەکەدا هەردوو لا جەختیان لە پەیوەندیەکانی نێوان هێزەکان و وەزارەتەکان کردەوەو بە گرنگیان زانی لە کاتی پێویستدا و بە رێگاو شێوازی جۆراو جۆر هێزەکان هاوکار و هەماهەنگی وەزارەتەکان بن بە ئامانجی باشترین خزمەت و پێشکەشکردنی کاری شایستە بە هاولاتیان.

 

وەفدەکەی هاوپەیمانی داوایان لە کوێستان محەمەد کرد تەواوی تواناو شارەزایی خۆی بخاتە گەڕ بە مەبەستی خزمەتی تەواوی هاولاتیان بە تایبەت ئەو هاوڵاتیانەی کە لە چوارچێوەی وەزارەتی ناوبراودا جێگەیان دەبێتەوە وەک کەمئەندامان و خاوەن پێداویستیەتایبەتەکان و تۆرەکانی چاودێری و بێسەرپەرشتان و هەموو چین و توێژەکانی هاوشێوە.

 

لەبەرامبەردا وەزیری کار زۆر سوپاسی سەردانەکەی کرد و دڵخۆشی خۆی دەربڕی بە پشتیوانی و هەماهەنگیەکانی هاوپەیمانی و بەڵێنی دا وەک هەمیشە هەرچی هێزو توانای هەبێت بیخاتە گەر بۆ ئەوەی باشترین خزمەت بکات و هیچ جۆرە خەمساردیەک لە کارەکانی نەکات.

 

ئەم سەردانەی وەفدی هاوپەیمانی لە درێژەی سەردانەکانی هاوپەیمانییە بۆلای وەزارەت و پەرلەمان و فراکسیۆنەکان بە مەبەستی دروستکردنی پەیوەندی دروست و پێویست بە ئامانجی خزمەتی ولات و هاولاتیان.

 

 

 

 

 

ژوری هه‌واڵ