“هێرشەکانی سەر دامەزراوەنەوتییەکانی سعودیە پێویستیان بە وەلامدانەوەی بە کۆمەڵ هەیە”

بچووکردنەوە گەورەکردن

بۆریس جۆنسن سەرۆک وەزیرانی بەریتانیا لە پەیامێکدا بۆ محەمەد بن سەلمان شازادەی جێنشینی سعودیە ئاماژەی بەوەکردووە، سەبارەت بە هێرشەکەی سەر دامەزراوە نەوتییەکانی سعودیە پێویستە وەلامدانەوەی بەکۆمەڵ هەبێت.

 

 

 

وتەبێژی سەرۆک وەزیرانی بەریتانیا ئەوەی خستەڕوو، سەبارەت بە هێرشەکەی سەر دامەزراوە نەوتییەکانی سعودیە، جۆنسن سەرکۆنەی ئەو هێرشانە دەکات و لە پاڵ سعودیەدا دەبێت و پابەند دەبێت بە ئاسایشی ئەو وڵاتە.

 

 

 

وتەبیژەکەی سەرۆک وەزیرانی بەریتانیا ئاماژەی بەوەشکرد، سەرۆک وەزیر جەختی لەسەر وەڵامدانەوەی بەکۆمەڵ کردۆتەوە لەسەر هێرشەکە و هانی شازادەی جێنشینی داوە بەردەوام بێت لە کارکردن لەگەڵ هاوبەشە ئەوروپییەکاندا.

 

بەپێی هەواڵێکی CNNی ئەمریکی، دوێنێ سێشەممە لە لێکۆڵینەوەیەکدا ئەمریکا و سعودیە ئەوەیان خستەڕوو، بەپێی لێکۆڵینەوەکان هێرشەکان لە بنکەیەکی سەربازی ئێرانەوە لە نزیک عێراق ئەنجامدراوە.

 

سەرچاوەی لێکۆڵینەوەکە ئەوەشی خستەڕوو، بەمەبەستی شاردنەوەی سەرچاوەی هێرشی موشەکەکان سەرەتا بەسەر خاکی عێراقدا ڕۆشتوون پاشان گەشتوونەتە سەر پاڵاوگە نەوتییەکانی سعودیە و ئامانجەکەیان پێکاوە.

 

 

سەرباری ئەوەی هێرشەکان لە خاکی یەمەنەوە ئەنجامنەدراوە، بەلام حوسییەکان بەرپرسیارێتی خۆیان لە هێرشەکان ڕگەیاندبوو.

 

هەواڵ. پێشکەوت خلیل