ئەمریکا هێزی بەرگری ڕەوانەی سعودیە دەکات

بچووکردنەوە گەورەکردن

بەمەبەستی بەهێزکردنی بەرگری ئاسمانی سعودیە ئەمریکا ڕەزامەندی خۆی پیشانداوە سەبارەت بە ڕەوانەکردنی هێزی چەکداری بۆ ئەو وڵاتە.

 

 

 

دۆناڵد ترەمپ سەرۆکی ویلایەتە یەکگرتووەکانی ئەمریکا، بەمەبەستی بەهێزکردنی بەرگری ئاسمانی سعودیە، ڕەزامەندی خۆی پیشانداوە سەبارەت بە ڕەوانەکردنی هێزی چەکداری بۆ ئەو وڵاتە، ئەمەش دوای ئەو هێرشانە دێت کە سەرەتای هەفتەی ڕابردوو کرایە سەر دامەزراوە نەوتییەکانی ئارامکۆ لەو وڵاتە و دواتر واشنتۆن تارانی بە ئەنجامدەری هێرشکان تۆمەتبارکرد.

 

 

 

وەزارەتی بەرگری ئەمریکا (پینتاگۆن) لەو بارەیەوە ئاماژەی بەوەکردووە، ڕەوانەکردنی ئەو هێزانە بۆ وڵاتی سعودیە، بەمەبەستی بەرگرییە و ژمارەیان لە چەند هەزارێک زیاتر نییە، هەروەها بەپێی پلانەکە ڕادەستکردنی ئامێرە سەربازییەکان لەلایەن ئەمریکاوە بۆ هەریەک لە وڵاتانی ئیماڕات و سعودیە خێراتر بکەین.

 

 

 

مارک ئەسپەر وەزیری بەرگری ئەمریکا ئەوەی خستۆتەڕوو، بەمەبەستی بڵاوکردنەوەی هێزەکانی ئەمریکا لەو وڵاتە، ئەمریکا داواکارییەکەی سعودیەی پەسەندکردووە، ئامانجی یەکەمی هێزەکان بەرگری ئاسمانی و موشەکی دەبێت.

 

 

 

ئەمەش لە کاتێکدایە ئەم هەنگاوەی ئەمریکا دوابەدوای ڕاگەیەندراوێکی دۆناڵد ترەمپ کە تیایدا ئاماژەی بەوەکرد، زنجیرەیەک سزای ئابووری نوێی بەسەر ئێراندا سەپاندووە.

 

 

هەواڵ. پێشکەوت خلیل