هاوپەیمانی بڕیاریدا بەشدار بێت لە لیستی هاوپەیمانی کوردستانی

بچووکردنەوە گەورەکردن

کۆبونەوەیەکی باڵای هاوپەیمانی بەڕێوەچوو تیایدا بڕیاری بەشداریی هاوپەیمانیدرا لە هەڵبژاردنی ئەنجومەنی پایزگاکان لە چوارچێوەی لیستی هاوپەیمانی کوردستانی.

 

ئێوارەی ئەمرۆ بەئامادەبوونی ئارام قادر سەرۆکی هاوپەیمانیی نیشتمانی و دکتۆرە ئاڤێستا کەمال یاریدەدەری سەرۆک و ژمارەیەک لە هاودیدانی باڵای هاوپەیمانی لە دەڤەری کەرکوکی هاوپەیمانی، کۆبونەوەی ئەنجومەنی سیاسی هاوپەیمانی بەڕێوەچوو.

 

کۆبونەوەکە تەرخانکرابوو بۆ تاوتوێکردنی بابەتی بەشداریکردنی هاوپەیمانی لە هەڵبژاردنەکانی ئەنجومەنی پارێزگاکانی عێراق و بەشداریکردن لەو هاوپەیمانێتیەی کە دروستکراوە بۆ بەشداری هێزە کوردیەکان بە ناوی هاوپەیمانی کوردستانی.

 

لە کۆبونەوەکەدا دوای گفتوگۆ و ڕاگۆڕینەوەیەکی تێرو تەسەل سەرەنجام کۆبونەوە بڕیایدا هەوپەیمانی بەشداری لە هەڵبژاردنەکە بکات لە چوارچێوەی لیستی هاوپەیمانی کوردستانیدا.

 

لەماوەی ڕابردوودا ژمارەیەک لایەنی سیاسی کوردستان دوو کۆبونەوەیان ئەنجامداوە و بڕیاریان داوە بە  هاوبەشی بەشداری هەڵبژاردنەکە بکەن و بڕیارە لە کۆبونەوەی داهاتودا سەرۆکی لیست و لۆگۆی لیستەکە دیاری بکەن، هاوپەیمانی لە کۆبونەوەکانی ڕابردودا بەمەبەستی ڕاگۆرینەوە و دەربڕینی دیدو ڕوانینی خۆی بە وەفدێک بەشداریی کۆبەنەوەکانی کردوە و دوای تاووتوێکردنی بابەتەکە بڕیاری بەشداریکردنیدا لە هەڵبژادنەکەدا.