هاوپەیمانی
1, تشرینی یه‌كه‌م 2019

هاوپەیمانیی و دەستلەکارکێشانەوە

عومەر مەرگەیی

 

هاوپەیمانیی نیشتیمانی وەک نوێترین بزاڤ لە هەرێمی کوردستان وەک ڕێکخراوێکی سیاسی خاوەن کەسایەتی مەعنەوی سەربەخۆ خۆی ناساند ، کەپێکهاتووە لە کۆبوونەوەی ئارەزوومەندانەی ئەو کەس و لایەنانەی باوەڕیان بە پەیڕەو و پڕۆگرامی هاوپەیمانی هەیە.

 

 

لەڕوانگەی هاوپەیمانیدا مرۆڤ سێنتەری و عەدالەتی کۆمەڵایەتی و ئازادیە دیموکراسیەکان ئامانجی دیار و کاریگەرن، بۆیە بابەتی هاودیدبوون و وازهێنان مافێکی ئاسایی و ڕێز لێگیراوە ، بەتایبەتی دەست لەکار کێشانەوەی هەر هاودیدێک جگە لەوەی لەلای هاوپەیمانی جێگەی نیگەرانی و ناخۆشیە بەڵام وەک مافێکی سەرەتایی و سروشتی سەیر دەکرێت و ڕێزیشی لێدەگیرێت .

 

 

لە دیدی هاوپەیمانییەوە دەستلەکار کێشانەوە لە هەر هێزو گروپ و پێکهاتەیەکدا کارێکی زۆر رێز لێگیراوەو دەبێت بە چاوی رێزەوە بڕاوانرێتە وازهێنان و دەستلەکار کێشانەوەکەو نابێت بە هیچ جۆرێک پەنا ببرێتە بە رتەخوین و تەشهیر، پێموایە لە هاوپەیمانیی نیشتمانی و بنەماکانی پڕۆگرامە سیاسیەکەیدا لەسەر واز هێنان و دەستلەکار کێشانەوە، ئەم چەند خاڵە دەرک دەکرێن :

 

 

۱. نیگەرانی بۆ دوورکەوتنەوەی هەر هاودیدێک کە لەسەرەتاوە بەکاری هاوبەش وئامانجی هاوبەش دەست بەخەباتی سیاسی جەماوەری کراوە .

 

۲. هەوڵ و ماندووبوونی هەموو هاودیدێک لەڕابردوودا بەرز دەنرخێنرێت و بە بەشێک لە مێژووی هاوپەیمانیی دەزانرێت .

 

۳. هۆکارەکانی دەست لەکار کێشانەوە هەرچیەک بن دەرفەت هەیە لە داهاتوودا چارەسەر ببن و دەرگای هاوپەیمانیی بۆ هەر هاودیدێکی دڵسۆز واڵایە کە لەداهاتوودا دەست پێبکاتەوە.

 

٤. لای هاوپەیمانیی بووەتە نەریت کە وازهێنان و دەست لەکارکێشانەوە بەئاسایی و سرووشتی وەردەگیرێت و دروستکردنی واتە وات و پڕوپاگەندەی خراپە دژی یەکتری بەڕەهایی ڕەتدەکاتەوە .

 

٥. هاوپەیمانیی نیشتمانی دوای وەرگرتنی مۆڵەتی فەرمی کارکردن ئێستا لەقۆناخی دووەمی ژیانی حیزبی خۆیدایە و پێیوایە هاودیدەکانی مکومتر و لێبڕاوانەتر و دڵسۆزانەتر و بۆ ڕاپەڕاندنی ئەرکەکانیان دێنە مەیدان کە دەزانن هەوڵەکانی ئێستا قورستر و بەبەرهەمتر دەبن .