سەرۆکی هاوپەیمانی پرسەنامەیەکی ئاراستەی بنەماڵەو هاوڕێیانی دکتۆر عیزەدین کرد

بچووکردنەوە گەورەکردن

سەرۆکی هاوپەیمانی نیشتمانی پرسەنامەیەکی ئاراستەی خزمان و هاورێیانی دکتۆر عیزەدین مستەفا ڕەسوڵ کرد و تیایدا هاتوە “رسەو سەرخۆشی خۆم و تەواوی هاودیدانم لە هاوپەیمانیی نیشتمانی ئاراستەی بەرێزتان دەکەم و دەخوازم خوای گەورە کۆچکردو بەبەهەشتی نەبڕاوەی خۆی شاد بکات”

 

هەر لەدرێژەی پرسەنامەکەدا سەرۆکی هاوپەیمانی ئاماژەی بەوەداوە ” دکتۆر عیزەدین کەسایەتییەکی سیاسی و ئەکادیمی دیاری گەلەکەمان بوو، کاتێک ئەو لەگەڵ هاوڕێکانی بیریان لە دامەزراندنی یەکێتی نوسەرانی کورد کردەوە، نیشتمان لەوپەری کێشەو ناخۆشی و ناهەمواریدابوو”

 

 

دەقی پرسەنامەکە:

 

بەڕێزان بنەماڵەی دکتۆرعیزەدین مستەفا ڕەسوڵ
بەرێزان هاوڕێیان و دۆستانی خوالێخۆشبوو

بابەت پرسەنامە

 

بەبۆنەی کۆچی دوایی زاناو سیاسەتمەداری دیاری گەلەکەمان کۆچکردو پرۆفیسۆر دکتۆر عیزەدین مستەفا ڕەسوڵ، پرسەو سەرخۆشی خۆم و تەواوی هاودیدانم لە هاوپەیمانیی نیشتمانی ئاراستەی بەرێزتان دەکەم و دەخوازم خوای گەورە کۆچکردو بەبەهەشتی نەبڕاوەی خۆی شاد بکات.

 

بەریزان، دکتۆر عیزەدین کەسایەتییەکی سیاسی و ئەکادیمی دیاری گەلەکەمان بوو، کاتێک ئەو لەگەڵ هاوڕێکانی بیریان لە دامەزراندنی یەکێتی نوسەرانی کورد کردەوە، نیشتمان لەوپەری کێشەو ناخۆشی و ناهەمواریدابوو، بەڵام ئەو بە ورەبەرزی و دونیابینییەکی زۆرەوە دەستی کردبوو بە خزمەکردن بەبواری زمان و ئەدەب و پاراستنی کلتوری نیشتمانی هاوشانی کاری سیاسی، بۆیە لەدەستدانی کاسایەتییەکی لەوشێوەیە نەک تەنها بۆ بنەماڵە بەڕێزەکەتان، بەڵکو بۆ سەرجەم کوردستان دەبێتە خەسارەتێکی گەورە.

 

ئارام قادر
سەرۆکی هاوپەیمانی نیشتمانی
٣-١٠-٢٠١٩