ڕاگەیەنراوێک لە ئەنجومەنی سیاسی هاوپەیمانییەوە سەبارەت بارودۆخی ئێستای عێراق

بچووکردنەوە گەورەکردن

هاوپەیمانیی نیشتمانی ڕاگەیەنراوێکی سەبارەت بە بارودۆخی ئێستای عێراق بڵاو کردەوە و تیایدا هاتوە “هاوپەیمانیی نیشتمانی لەڕوانگەی بڕوای تەواوی بە پێکەوەژیانی پێکهاتە جیاوازەکان و مافی ڕەوای هاوڵاتیان بۆ ژیانێکی شایستەو ڕێزگرتن لەشکۆ و کەرامەتی هەرتاکێکی ئەم نیشتمانە، زۆر بەپەرۆشییەوە دەڕوانێتە ڕوداو و پێشهاتەکانی ناوچە جیاوازەکانی عێراق و هۆکاری سەرەکی تەواوی ئەم ڕوداوانەش دەگێڕێتەوە بۆ نەپاراستنی شکۆی مرۆڤ و ڕەچاونەکردنی مامەڵەی تەندروست لەگەڵ پێکهاتەکان لەسەر بنەمای ‌هاوڵاتیبوون ”

 

لە بەشیکی تری ڕاگەیەنراوەکەدا هاوپەیمانی ڕایگەیاندوە “هاوپەیمانی لەگەڵ  ئەوەی داوای جددی لەخۆپیشاندەران دەکات بۆ پاراستنی موڵک و ماڵی گشتی، پشتیوانی خۆی دووپاتدەکاتەوە بۆ داوای ڕەوای خۆپیشاندەران، لەهەمانکاتدا داواکارین لە حکومەت پارێزگاری لە خۆپیشاندەران بکات و ڕێگەنەدات بە پەنابردنەبەر توندوتیژی بۆ بەرگرتن بە خۆپیشاندانەکان و بەدەم داوای ڕەوای هاوڵاتیانەوە بێت و داواکانیان جێبەجێ بکات”

 

 

دەقی ڕاگەیەنراوەکە:

ڕاگەیەنراوێک لە ئەنجومەنی سیاسی هاوپەیمانییەوە سەبارەت بارودۆخی ئێستای عێراق

 

هاوپەیمانیی نیشتمانی لەڕوانگەی بڕوای تەواوی بە پێکەوەژیانی پێکهاتە جیاوازەکان و مافی ڕەوای هاوڵاتیان بۆ ژیانێکی شایستەو ڕێزگرتن لەشکۆ و کەرامەتی هەرتاکێکی ئەم نیشتمانە، زۆر بەپەرۆشییەوە دەڕوانێتە ڕوداو و پێشهاتەکانی ناوچە جیاوازەکانی عێراق و هۆکاری سەرەکی تەواوی ئەم ڕوداوانەش دەگێڕێتەوە بۆ نەپاراستنی شکۆی مرۆڤ و ڕەچاونەکردنی مامەڵەی تەندروست لەگەڵ پێکهاتەکان لەسەر بنەمای ‌هاوڵاتیبوون، لەبەرئەوە ناکرێت بابەتی پیلانگێڕی و دەستی دەرەکی بکرێتە بەهانە بۆ پشتگوێخستنی خواستی ڕەوای هاوڵاتیان لە چاکسازی و لێپێچینەوە لەگەندەڵکاران و کارکردن بۆ دابینکردنی ژیانی شایستە بۆ سەرجەم هاوڵاتیان بەبێ گوێدانە ئاین و نەتەوەو ئینتیمانی سیاسی.

 

بۆیە هاوپەیمانی لەگەڵ  ئەوەی داوای جددی لەخۆپیشاندەران دەکات بۆ پاراستنی موڵک و ماڵی گشتی، پشتیوانی خۆی دووپاتدەکاتەوە بۆ داوای ڕەوای خۆپیشاندەران، لەهەمانکاتدا داواکارین لە حکومەت پارێزگاری لە خۆپیشاندەران بکات و ڕێگەنەدات بە پەنابردنەبەر توندوتیژی بۆ بەرگرتن بە خۆپیشاندانەکان و بەدەم داوای ڕەوای هاوڵاتیانەوە بێت و داواکانیان جێبەجێ بکات.

 

ئێمە لەهاوپەیمانی داواکارین لە ئەنجومەنی نوێنەران کە بەڕۆڵی سەرەکی خۆی هەستێت و بە هاوکاری کەسایەتییە سیاسی و ڕۆشنبیری و دیارەکانی کۆمەڵگە بەخێرایی بێنەسەرخەت و دەرچەیەکی گونجاو بۆ دۆخی ئێستای عێراق بدۆزنەوە و سنورێک بۆ کاولکاوی و ڕژانی بەناهەقی خوێنی ڕۆڵەکانی ئەم نیشتمانە دابنێن.

 

هاوکات داوا لەحکومەتی هەرێم دەکەین کە بەشێوەیەکی تەندروست مامەڵە لەگەڵ ڕوداوەکاندا بکات لەلایەک و لەلایەکی تریشەوە پەلە بکات لە ئەنجامدانی چاکسازی و جیبەجێکردنی بەڵێنەکان و چەسپاندنی کارنامەی ڕاگەیەنراوی حکومەت لەسەرجەم سێکتەرەکاندا.

 

 

ئەنجومەنی سیاسی هاوپەیمانی نیشتمانی

٥-١٠-٢٠١٩