هەڤپەیمانیا نشتیمانی پیروزباهیێن جەژنێ گەهاندنە میرێ ئێزدیان

بچووکردنەوە گەورەکردن

ل پەرستگەها لالش شاندەکێ هەڤپەیمانیا نشتیمانی ب مەبەستا پیروزباهیا جەژنا جەمایێ و پێشئێخستنا پەیوەندیێن هەردوولا دگەل میرێ ئێزدیان کوم بوون

 

 

شاندێ هەڤپەیمانیا نشتیمانی پێکهاتبوون ژ خەتاب عمر ئەندامێ ئەنجومەنێ سیاسی و کاروان محسن ئەندامێ ئەنجومەنێ نوێنەران بۆ پەرستگەها لالش ل قەزایا شێخان و ژ لایێ میر هەرمان حازم بەگ جێگیرێ میرێ مەزنێ ئێزدیان و میر سامان هاریکارێ جیگیرێ میری ڤە هاتنە پێشوازیکرن.

 

 

شاندێ هەڤپەیمانیا نشتیمانی پەیاما پیروزباهیا سەروکێ هەڤپەیمانیێ و تەڤایا ئورگانێن هەڤپەیمانیا نشتیمانی ب هەلکەفتا جەژنا جەمایا ئێزدیان گەهاندنە میرێ ئێزدیان .

 

 

ئالیەکێ دی یێ رونشتنێ گرێدانا پەیوەندیێن هەردوو لا بۆ ژبوی کارکرن و گەهشتنا ب پێکڤەژیانەکا راستەقینە کو یەک ژ دیدگاێن هەڤپەیمانیا نشتیمانی و مەرجەعیەتا ئێزدیانە، ژ لایێ خوڤە شاندێ هەڤپەیمانیا نشتیمانی ومیر هەرمان حازم بەگ تیشک خستنە سەر پەیوەندیێن بەردەوام د ناڤبەرا هەردوو لایان دا.

 

 

جەژنا جەمایێ ئێک ژ جەژنێن سەرەکی و ئاینی یێن ئێزدیانە و حەفت روژان بەردەوام دبیت و زورینەیا ئێزدیان ژ کوردستان و عێراقێ و جیهانی رێورەسمێن ڤێ جەژنێ ل پەرستگەها لالش دگێرن.

 

 

 

 

ژوری هەواڵ