تورکیا بەمزووانە سنورەکانی سوریا دەبڕێت

بچووکردنەوە گەورەکردن

بەرپرسێکی باڵای تورکیا ئاماژەی بەوەکردووە، پاش ئەوەی هێزەکانی ئەمریکا لەسەر سنورەکان کشانەوە، سوپای وڵاتەکەی و هێزە چەکدارییەکانی هاوپەیمانان بەمنزیکانە سنورەکانی سوریا دەبڕن.

 

 

 

فەخرەدین ئاڵتون بەرپرسی پەیوەندییەکانی سەرۆکی تورکیا ئەمڕۆ چوارشەممە لە ڕوونکردنەوەیەکدا ئەوەی خستۆتەڕوو، بۆ دەستپێکردنی ئۆپەراسیۆنە سەربازییەکەی باکووری سوریا، سوپای تورکیا بە هەماهەنگی هێزەکانی سوریای ئازاد سنورەکانی سوریا دەبڕن.

 

 

 

 فەخرەدین ئاڵتون لە تویتێکدا لە هەژماری تایبەتی خۆی نوسیویەتی، تورکیا ناچاردەبێت بەرەنگاری کوردەکان ببێتەوە بەمەبەستی لەناوبردنی چەکدارانی داعش، بۆیە پێویستە کوردەکان ئەو ناوچانەی تیایدا نیشتەجێن چۆڵی بکەن.

 

 

 

دەزگا هەواڵییەکانی تورکیا پێشتر بلاویانکردبۆوە، بەمەبەستی بەشداریکردن لە ئۆپەراسیۆنەکەی تورکیا لە سوریا، کۆمەڵێک لە گروپە چەکدارەکانی سوریا لە باکوری سوریاوە چوونەتە ڕیزەکانی سوپای تورکیا.

 

 

 

ئەمەش لەکاتێکدایە ویلایەتە یەکگرتووەکانی ئەمریکا ڕۆژی یەکشەممەی ڕابردوو کشانەوەی هێزەکانی لە باکووری سوریا ڕاگەیاند، تورکیاش ڕایگەیاند کە تاکلایەنە ئۆپەراسیۆنی باکووری سوریا ئەنجامدەدات، هاوکات هێزەکانی “هەسەدە” لە باکووری سوریا کشانەوەی هێزەکانی ئەمریکا لە باکووری سوریا بە ناپاکی بەرامبەر بە کورد ناودەبات.

 

 

هەواڵ. پێشکەوت خلیل