سوریا هه‌ڵوێستی خۆی له‌باره‌ی هێرشه‌کانی تورکیا ڕاگه‌یاند

بچووکردنەوە گەورەکردن

وەزارەتی دەرەوەی سوریا، بە توندی هێرشه‌ سەربازییەكانی توركیای بۆ نێو خاكی سوریا ئیدانە کرد و به‌ پێشێلكاری ئاشكرا بۆ یاسا نێودەوڵەتییەكان وه‌سفیده‌کات.

 

 

 

وەزارەتی دەرەوەی سوریا لە بەیاننامەیەكدا ڕایگەیاند، “سوریا بەتوندی خواستە دوژمنكارییەكانی ڕژێمی توركیا ئیدانە دەكات لەسەر سنورەكانی سوریا، كە پێشێلكارییەكی ئاشكرایە بۆ یاسا نێودەوڵەتییەكان و بڕیارەكانی ئەنجوومەنی ئاسایشی نێودەوڵەتی، كە هەموویان جەخت لەسەر ڕێزگرتن لە یەكێتی و سەلامەتی و سەروەری سوریا دەكەنەوە”.

 

 

 

هەر لە بەیاننامەكەی وەزارەتی دەرەوەی سوریادا هاتووە، “ئەنقەرە ڕۆڵی زامنكەری لە پڕۆسەی ئەستانا لەدەستدا، و هەڵسوكەوتی دوژمنكارانەی ڕژێمەكەی ئەردۆغان بەڕوونی خواستی پاوەنخوازی تورك لە خاكی سوریا دەخاتەڕوو، كە ناكرێت بە هیچ شێوەیەك بیانووی بۆ بهێنرێتەوە”.

 

 

هه‌واڵ. شه‌هێن وه‌هاب