سێ رۆژ پرسە لە عێراق ڕاگەیەندرا

بچووکردنەوە گەورەکردن

سەرۆک وەزیرانی عیراق، سێ رۆژ پرسەی بۆ قوربانیانی خۆپیشاندانەكان راگەیاند و بەڵێنیدا جارەسەری پێویست بۆ دۆخەکە بگرێتەبەر.

 

 

عەبدولمەهدی سەرۆک وەزیرانی عێراق دووەم گوتاری بۆ خۆپیشاندەران و خەڵک پێشکەشکرد و ڕیگەیاند، سێ ڕۆژ پرسەی بۆ قوربانیانی خۆپیشاندانەكان رادەگەیەنن و بەڵێنیدا تەواوی خۆپیشاندەرە دەستگیرکراوەکان ئازادبکرێن.

 

 

عەبدولمەھدی ئاماژەی بەوەکرد، “ئەنجامی لێکۆڵینەوەی مەیدانیمان بەدەست گەیشتووە، لێکۆڵینەوەی زیاتریش لەو رووداوانە دەکەین کە لەکاتی خۆپیشاندانەکاندا روویاندا، هەروەها دەست دەکەین بە رێکاری قەرەبووکردنەوەی ماددی و مەعنەوی کەسوکاری قوربانیان”.

 

 

گوتیشی، “رێنمایی توندمان بۆ بەکارنەهێنانی گولـلە دەرکردووە، بەڵام لەگەڵ ئەوەشدا ژمارەیەکی زۆری قوربانی لە خۆپیشاندەر و هێزە ئەمنییەکان کەوتەوە”.

 

هەواڵ. شەهێن وەهاب