هەڤپەیمانی و بزاڤا دیموکراتیا ئاشوری ل ئاستێ بلند کومبوون

بچووکردنەوە گەورەکردن

هەڤپەیمانیا نشتیمانی ل دهوکێ سەرەدانا سەرکردایەتیا بزاڤا دیموکراتیا ئاشوری کر و د دیدارەکێ دا هەردوو ئالیان دوپاتا بهێزکرنا پەیوەندیان و کارێن پێکڤەی کرن.

 

 

 

شاندەکێ بلندێ هەڤپەیمانیا نشتیمانی کو پێکهاتبو ژ خەتاب عومەر ئەندامێ ئەنجومەنێ سیاسی و عگید سەلیم و کاروان محسن ئەندامێن ئەنجومەنێ نوینەران و هاوژین شەفیق ئەندامێ دەڤەرا دهوکا هەڤپەیمانی، سەرەدانا لقا بزاڤا دیموکراتیا ئاشوری ل باژێرێ دهوکێ کرن و ژلایێ ئاشور ئاپرم ئەندامێ سەرکردایەتی و بەرپرسێ لقا دهوک و بەشەک ژ ئەندامێن سەرکردایەتی وێ حزبێ ل بادینان ب گەرمی ڤە هاتن پێشوازی کرن.

 

 

 

د هەڤپەیڤینەکێ دا بەحس ل گهورین و رەوشا جیهانێ ب گشتی و ناوچێ و هەرێما کوردستانێ ب تایبەتی هاتەکرن، و هەردو ئالیان جەخت ل کارێ پێکڤەی و پاراستنا مافێن هەمی نەتەوە و ئول و دیدگاێن جوداکرن .

 

 

 

دبەشەکێ دیێ وێ هەڤپەیڤینێ دا بزاڤا دیموکراتیا ئاشوری داخازا هاریکاریێ ژ شاندێ هەڤپەیمانی کرن، تایبەت ل سەر وان کەیسێن کو تایبەتن ب خەلکێ وان ڤە و تا نها هاتنە گرتن و ناهێنە ڤەکرن و ب مافێ خوە و پروسەیاپێکڤەژین و هاولاتیبونێ دزانن.

 

 

د هەمان دەم دا وێ بزاڤێ خوش حالیا خوە ژبوی شاندێ هەڤپەیمانی دەربرین و دوپاتا بەردەوامی و کارێن پێکڤەی لسەرتاسەری هەرێمێ و عێراقا فیدرال کرن و هەردووئالیان گفتوگووا پەیوەندیێن بەردەوام و گشتگیر ل هەرێمێ و عێراقێ کرن .