ترەمپ داوایەک ئاڕاستەی هەسەدە دەکات

بچووکردنەوە گەورەکردن

سەرۆکی ئەمریکا ڕایدەگەیەنێت، پێویستە هێزەکانی سوریای دیموکرات “هەسەدە” لە سنورەکانی سوریا و تورکیا بۆ دووری ٣٠ کیلۆمەتر بکشێنەوە.

 

 

 

دۆناڵد ترەمپ سەرۆکی ویلایەتە یەکگرتووەکانی ئەمریکا ئاماژەی بەوەکردووە، “شەرکردن لەگەڵ هێزێک کە فڕۆکەی جەنگی و چەکی پێشکەوتووی هەیە و ئەوان نیانە، قورسە بۆیە داوادەکەم لە سنورەکان بکشێنەوە ئەمە بۆ هێزەکانی سوریای دیموکرات “هەسەدە” باشدەبێت”.

 

 

 

ترەمپ ئەوەشی خستۆتەڕوو، ناکرێت هێزەکانی سوریای دیموکرات تا ٥٠ ساڵی دیکە پاسەوانی سنورەکانی سوریا و تورکیا بن، پێویستە کوردەکان بەتەنها خۆیان شەڕی تورکیا بکەن.

 

 

 

لە کۆتایی وتەکانیدا سەرۆکی ویلایەتە یەکگرتووەکانی تورکیا ئاماژەی بەوەشکرد، لە ١٦ی ئۆکتۆبەری ساڵی ڕابردوو شەڕیان بۆ کورد نەکرد و هیچ شتێکیش ڕووی نەدا.

 

 

 

 

ئەمەش لەکاتێکدایە بەمەبەستی دروستکردنی ناوچەی ئارام، ئەمریکا و تورکیا گەشتنە ڕێککەوتن و دواتر ئەمریکا لە ڕێککەوتنەکە پاشگەزبووە و هێزەکانی لە سوریا کشاندەوە، تورکیاش بڕیاریدا تاکلایەنە ئۆپەراسیۆنی ڕۆژهەڵاتی فوڕات دەستپێبکات و لەلایەن ژمارەیەک لە وڵاتان کاردانەوەی بەدوای خۆیدا هێنا.

 

 

هەواڵ. پێشکەوت خلیل