ئەمریکا بزوتنەوەیەکی عێراقیی خستە لیستی تیرۆرەوە

حکومەتی ئەمریکا ناوی بزوتنەوەی نوجەبای عێراقی خستە لیستی تیرۆرەوە ئەمینداری بزوتنەوەکەشی خستە لیستی كەسایەتییە تیرۆرستییەكانی جیهان.

 

بەپێی ڕاگەیەنراوی وەزارەتی گەنجینەی ئەمریكا، ئەم گروپە لە شەڕی داعش رۆڵی هەبووە، هەروەها رۆڵی سەرەكیشی هەبووە لەگەیاندنی گروپەكانی ئێران بەسوریا.

 

لەو راگەیەنراوەدا ئەکرەم کەعەبی ئەمینداری بزوتنەوەکە خراوەتە لیستی کەسایەتیە تیرۆریستیەکانی جیهانەوە.

 

بەپێی بریارەكەی وەزارەتی گەنجینەی ئەمریكا گروپەكانی وەك (یەكەكانی الحامد، تەلەفزیۆنی النجبا، یەكەی عەمار بن یاسر، یەكەی ئازادیخوازی جەولان، بزووتنەوەی حیزبوڵڵای النجبا و یەكەكانی ئیمام حەسەن موجتەبا) کە سەر بەو گروپەن خراونەتە  لیستی تیرۆرەوە.