بیلال ئیحسان محەمەد
6, ئازار 2019

پێكڤەژیانا ئولی جڤاكێ مەدەنی بەرهەم دئینیت

پتریا وەلاتێن نها لسەر بنەمایێ نەتەوەی هاتینە دانان لێ چ وەلات ل جیهانێ نینن كو یەك نەتەوە بتنێ تێدا بژیت ئەڤ یەك ژی زورا ب زەحمەتە، ل هەمی ولاتێن جیهانێ پێكهاتێن جیاواز یێن ئولی و نەتەوەی هەنە.

 

لەورا ئەگەر هاتو مە وەكی خەلكێ كوردستانێ گرنگی ب ڤان بیروباوەرێن جیاواز دا و مە پێكولكرن ژبوو هندێ كو ڤان پەیوەندیێن كومەلایەتی و ئاینی و نەتەوەی ب هێز بكەن، هوسا ئەم دێ شێن جڤاكەك هەڤگرتی یێ مەدەنی و بهێز دناڤا كوردستانێ دا بەرهەم ئینن.

 

ئەو جڤاكێ مەدەنیێ بهێز و ژلایێ رەوشەنبیری ڤە هشیار دەما تاكەك تەماشای تاكەكێ دی دكەتن ل وی دەمی دێ ب چاڤێ مروڤ بونێ تەماشا كەتن نە ب چاڤێ ئاینێ جودا یان رەگەزێ جودا یان نەتەوا جودا …هتد.

 

مەزنترین مفایێ ڤێ یەكێ ژی كێشەو ناكوكیێن نافخوی دێ لاوازبن و بەرەف نەمانێ چن، ل وی دەمی مەترسیێن دەرەكی ژی نامینن، لێ بەروڤاژی ڤێ یەكێ ژی كو جڤاكەك مەدەنی یێ هەڤگرتی و بهێز مە نەبیت دڤێت بزانین كو ئەم باشترین رێك بو دوژمنی دروست دكەن و هەرگاڤا ڤیا ئەڤە رێخوشكەرەكە داكو ئەم پێشاوزیێ ل دوژمنی بكەن.

 

لەورا ئەگەر مە بڤێت ئەم كوردستانەكا بهێز دروست بكەین پێتڤێە ل دەستپێكێ جڤاكەكێ بهێز دروست بكەین، وەكی ئەمریكا كو دنهادا ب چاڤێ هاولاتیبونێ ل هاولاتیێ خوە دنێریت و دشێت هێزێ ژ بوی هاولاتیێن خوە ب لڤینیت ل هەر جهەكێ ڤێ دونیایێ بیت ژ بەر وێ یەكێ هاولاتیێ ئەمریكی بەرهەڤە روحا خوە پێشكێشی وەلاتێ خو بكەتن.

 

هیڤی خوازم ژ هەمی تاكێن كوردستانێ بێ جیاوازی كاربكەن داكو جڤاكێ مە پتر بەرەف پێشڤە بچیت و هەڤگرتن و مەدەنیەت و سیستەمەكێ سیاسیێ سەركەفتی و دخزمەتا كوردستانێ دا بەرهەم ب ئینن.