هاوسەرەکەی بەغدادی نهێنی داعش ئاشکرا دەکات

بچووکردنەوە گەورەکردن

بەرپرسێکی باڵای تورکیا ڕایگەیاند، سەبارەت بە ڕێکخراوی داعش، هاوسەرەکەی بەغدادی نهێنی زۆری ئاشکرا کردووە.

 

بەرپرسێکی تورکیا سەبارەت بە هاوسەرەکەی بەغدادی و دوای لێکۆڵینەوە لەگەڵیدا ئاماژەی بەوەکردووە، “هاوسەری ئەبوبەکر بەغدادی خەلیفەی پێشووی ڕێکخراوی داعش بەناوی رانیە مەحمود لەکاتی لێکۆڵینەوەدا ئاشکرایکرد، کە ئەو هاوسەری یەکەمی بەغدادی نییە و لە ئۆپەراسیۆنەکەی مانگی ڕابردووی ئەمریکادا لە ئیدلیب نەکوژراوە، هاوکات ناوی ڕاستەقینەی ئەسما فەوزی محەمەد قەیسییە”.

هاوسەرەکەی بەغدادی ڕاشیگەیاندووە، لەگەڵ کچەکەیدا بەناوی لەیلا لە نزیک سنورەکانی سوریا لە پارێزگای هاتای لەگەڵ ١٠ کەسی دیکەدا لەلایەن سوپای تورکیاوە لە سەرەتای مانگی حوزەیرانی ساڵی ڕابردوو دەستیگرکراون.

 

ئەو بەرپرسەی تورکیا ئاماژەی بەوەشکرد، “بەزووی ناسنامەی ڕاستەقینەی هاوسەرەکەی بەغدادیان بۆ دەرکەوتووە و هەروەها چەندین نهێنی لەسەر ڕێکخراوەکەیان و شێوازی کاردکردنیان ئاشکراکردووە، هاوکات دەسەڵاتدارانی عێراق پەیوەندی ئەو دوو ژنەیان بە بەغدادییەوە لەڕێگەی پشکنینی “دی ئێن ئەی”ەوە پێشکەشکردووە.

 

 

هەواڵ. پێشکەوت خلیل