سەبارەت بە مووچەی کەسوکاری شەهیدان ڕوونکردنەوە دەدرێت

وتەبێژی وەزارەتی شەهیدان و ئەنفالکراوان رایگەیاند بڕیاری لابردنی مووچە کەسوکاری شەهیدان ناگرێتەوە تەنها کارمەندانی ناو وەزارەت دەگرێتەوە.

 

فوئاد عوسمان وتەبێژی وەزارەتی شەهیدان و ئەنفالکراوان بە دیجیتاڵ میدیایی هاوپەیمانی ڕاگەیاند “پێشتر بە هەوڵ و ماندووبونی وەزارەت و هەوڵی وەزیری کاروباری شەهیدان و ئەنفالکراوان موچەی کەسوکاری سەربەرزی شەهیدان و ئەنفالکراوان پاشەکەوتی لێنەکراو بەبێ پاشەکەوت دابەشکراوە”.

 

ناوبراو ئاماژەی بۆ ئەوەشکرد “بڕیاری پاشەکەوتی مووچە تەنها کارمەندانی ناو وەزارەتەکەیانی گرتۆتەوە و خۆشبەختانە دوای بڕیاری ئەنجومەنی وەزیران تایبەت بە لابردنی پاشەکەوتی موچە بڕیارەکە کارمەندەکانیان دەگرێتەوە و بەبێ پاشەکەوت موچەکانیان وەردەگرن”.

 

بڕیاری لابردنی پاشەکەوتێ موچە دوای ئەوە دێت کە دوێنی کاتژمێر ۲ ئەنجومەنی وەزیران کۆبووەوە و تێیدا لە کۆنگرەیەکی ڕۆژنامەوانیدا بڕیاری پاشەکەوتی موچەیان هەڵوەشاندەوە.