لیژنەی ئامادەکاری کۆنگرە ڕاوبۆچونی هاودیدانی دەڤەرەکان وەر دەگرێت

بچووکردنەوە گەورەکردن

لیژنەی ئامادەکاری کۆنگرەی هاوپەیمانی سەردانی چەند دەڤەرێکی کردو ڕاوبۆچونی هاودیدانی سنوری دەڤەرەکانی لە بارەی پەیڕەوی هاوپەیمانی  وەرگرت و گفتو گۆ لەبارەی چۆنێتی پەیڕەوی داهاتوی هاوپەیمانی کرا.

 

لە چەند ڕۆژی ڕابردودا لیژنەی ئامادەکاری کۆنگرەی هاوپەیمانی سەردانی هەریەکە لە دەڤەرەکانی سلێمانی و هەولێر و دهۆک و گەرمیان و ئامێدیان کرد و لەگەڵ هاودیدانی سنورەکانی ئەو دەڤەرانە کۆبونەوە و تاوتوێی مادەکانی پەیڕەوی ئێستای هاوپەیمانی کراو پێشنیازی هاودیدان وەرگیرا بۆ ئەوەی لە ڕەشنوسی پەیڕەوی داهاتودا جێی بکریتەوە کە بڕیارە لە کۆنگرەدا بخرێتە ڕوو پەسەند بکرێت.

 

لە سەرجەم کۆبونەوەکاندا لیژنەی ئامادەکار بە وردی تاوتوێی سەرجەم مادەکانی کرد لەگەڵ هاودیدان و هاودیدانیش بە ڕاو بۆچونەکانیان پرۆژەی ڕەشنوسەکەیان دەوڵەمەند کرد و گفتوگۆی بەرهەمدار ئەنجامدرا لەنێوان لیژنەو هاودیدان.

 

لیژنەی باڵای کۆنگرە ماوەی چەند ڕۆژێکە دەستی کردوە بە کارەکانی و مەبەستیەتی بە شێوەیەکی گونجاو و بە زویی کارەکان ئەنجامبدرێن بۆ ئەوەی ئامادەکاریەکان تەواو بکرێت پێش دیاریکردنی وادەی بەستنی کۆنگرە بە جۆریک لەگەڵ دیاریکردنی کاتی ئەنجامدانی کۆنگرەدا سەرجەم ئامادەکاریەکان کرابن.