هاوپەیمانی سەدان کتێبی بەخشییە زانکۆی هەڵەبجە

هاوپەیمانی نیشتمانی لە کەمپەینێکدا ئەو کتێبانەی بەخشییە زانکۆی هەڵەبجە کە لە هاودیدان و ناوەندەکانی بڵاوکردنەوە کۆکردبووەوە.

 

دوێنێ یەکشەممە ١٠ی ئازاری ٢٠١٩ وەفدێکی هاوپەیمانیی نیشتمانی سەردانی زانکۆی هەڵەبجەی کرد و بەسەدان کتێبی بەخشییە کتێبخانەی زانکۆکە.

 

شەهێن وەهاب سەرپەرشتیاری کەمپەینەکە بە دیجیتاڵ میدیای هاوپەیمانی ڕاگەیاند “لە کەمپەینەکەدا هاودیدانی هاوپەیمانی و چەند ناوەندێکی بڵاوکردنەوە کتێبیان بەخشیوەتە زانکۆکە”.

 

ناوبراو ئاماژەی بەوەکرد “توانراوە لە کەمپەینەکەدا بە سەدان کتێب کۆبکرێتەوە و ڕادەستی کتێبخانەی زانکۆی هەڵەبجە بکرێت”.