وردەکاری ڕێککەوتنەکەی ئێران و عێراق بڵاوکرایەوە

بەرپرسانی عێراقی ئاماژەیان بەوەدا عێراق و ئێران کۆمەڵێک ڕێکەوتنی بازرگانیان واژۆکردووە لە میانی سەردانەکەی حەسەن رووحانی بۆ عێراق.

 

 

ئۆفیسی سەرۆک وەزیری عێراق عادل عەبدولمەهدی لە بەیاننامەیەکدا ئەوەی خستەڕوو “ڕۆحانی و عادل عەبدولمەهدی کۆمەڵێک رێکەوتنیان واژۆکردووە کە تایبەتە بە نەوت و بازرگانی و ئابوری و چەندین پرسی گرنگی دیکە”.

 

 

لەو ڕاگەیەنراوەدا ئاماژە بەوەشکراوە پلانی دانانی هێڵی ئاسن لە نێوان هەردوو وڵاتدا یەکێک بووە لە بابەتە گرنگەکانی ڕێکەوتەکە.

 

 

ڕاگەیەنراوەکە ئەوەشی تێدا هاتووە “کۆمەڵێک ڕێوشوێنی گرنگ دەگرینەبەر بۆ ئاسانکردنی وەرگرتنی ڤیزای گەشتکردن بۆ هەردو وڵات”.