هەڵهاتووەکانی شەڕی دژی داعش مانیانگرتووە

بە سەدان کەس لەو هێزە ئەمنیانەی کە بەهۆی هەڵهاتنیان لە شەڕی دژی داعش دورخرابوونەوە، لە گۆڕەپانی تەحریری بەغدا مانیانگرتووە.

 

 

نزیکەی هەفتەیەکە بە سەدان کەس کە کارمەندی دورخراوەی هێزە ئەمنیەکانی عێراقن لە گۆرەپانی تەحریری بەغدا دەستیان بە مانگرتن کردووە و داوای گەڕانەوەیان دەکەن بۆ کارەکانیان.

 

 

ئەوانەی کە مانیانگرتووە لەو کارمەندانەی هیزە ئەمنیەکانی عێراقن کە لە سەرەتای سەرهەڵدانی داعشەوە لە کەرکوک و موسڵ و چەند شارێکی تر هەڵهاتن و شەڕی دژی داعشیان نەکرد.

 

 

کارمەندە دورخراوەکان داوا دەکەن بگەڕێنڕێنەوە سەر کارەنی خۆیان و لێخۆشبوونیان بۆ دەربچێت لەو تاوانەی کە دراوەتە پاڵیان و بەهۆیەوە گرێبەستەکانیان هەڵوەشێنراوەتەوە.