سائیرون کاندیدێکی نوێی بۆ سەرۆكی دەستەی دەستپاكی عێراق دیاریکرد

دوای گیانلەدەستدانی تۆفیق جەعفەر سەرۆكی دەستەی دەستپاكی عێراق، سەرۆکى هاوپەیمانی سائیرون کاندیدێکی نوێی بۆ ئەو پۆستە دیاری کردووە.

 

 

هاوپەیمانی سائیرون بۆ شوینگرتنەوەی تۆفیق جەعفەر ڕایگەیاندووە “ئەندامێکی بە ناوی ڕەحیم عەکیکی  کاندیدکردووە بۆ وەرگرتنی پۆستى سەرۆکى دەستەى دەستپاکی عێراق بۆ شوێنگرتنەوەی تۆفیق جەعفەر”.

 

 

ڕەحیم عەکیکی ئەزمونى لەو بارەیەوە هەیە ماوەیەک  سەرۆکایەتی دەستەى دەستپاکی عێراقی کردووە لە ساڵانی ڕابردوودا.

 

 

ئەم دیاریکردنەی هاوپەیمانی سائیرون دوای ئەوە دێت تۆفیق جەعفەر سەرۆكی پێشوی دەستەی دەستپاكی عێراق شەوی ١٥ی ئەم مانگە لەدهۆك بەڕووداوێکی هاتوچۆ گیانی لەدەستدا.