سەبارەت بە دواکەوتنی مووچەی توێژێک ڕوونکردنەوە دەدرێت

هەرچەندە بڕیاربوو ئەمڕۆ مووچەی کەمئەندامان دابەشبکرێت بەڵام دابەشکردنی مووچەی ئەو توێژە دواخرا بۆ سبەینێ و لێپرسراوی یەکێتی کەمئەندامانیش هۆکارەکەی دەخاتەڕوو.

 

 

سامان حسێن لێپرسراوی یەکێتی کەمئەندامانی کوردستان بە دیجیتاڵ میدیای هاوپەیمانی ڕاگەیاند هۆکاری ئەوەی کە ئەمڕۆ مووچەی کەمئەندامان دابەشنەکراوە ئەوەبووە “لیژنەکانی پێداچوونەوە بە ناوی کەمئەنداماندا کارەکانیان  تەواونەبووە”.

 

 

ناوبراو ڕوونیشیکردەوە دوای پێداچوونەوە بە ناوی کەمئەنداماندا لە وەزارەتی کار و کاروباری کۆمەڵایەتی چاکسازی بۆ لیستی مووچەخۆرانی کەمئەندام کراوە.

 

 

سامان حسێن وتیشی “بڕیارە سبنەینێ دووشەممە مووچەی کەمئەندامان بەبێ پاشەکەوت دابەشبکرێت”.

 

 

پێشتر حکومەتی هەرێمی کوردستان ڕایگەیاندبوو کە پێش نەورۆز مووجەی سەرجەم مووچەخۆرانی هەرێمی کوردستان دابەش دەکەن.