سیخورێک زیاتر لە ١٠ساڵە زانیاری سەربازی بو چین دەگوازێتەوە

وەزارەتی دادی ئەمەریكا بەیاننامەیەکی بڵاوکردۆتەوە و ڕایگەیاندووە “یەكێك لە سیخوڕەكانی پێشووی دەزگای هەواڵگری سەربازی وڵاتەكەی دەستگیرکردووە و دانی بەوەداناوە كە بۆ بەرژەوەندی چین كاریكردووە”.

 

 

رۆكویڵ هانسن ناوی ئەو تۆمەتبارە تەمەن (٥٨ ساڵ)ە یە کە لەكاتی رۆیشتنی بۆ فرۆكەخانە دەستگیركرا کە بەرنامەی هەبوو بەكۆمەڵێك بەڵگەنامەی نهێنی سەربازییەوە  بەرەو چین بەڕێبکەوێت.

 

 

بەگوێرەی ئاژانسی “فرانس پرێس” هانسن دانی بەتاوانەکەیدا ناوە كە زیاتر لە ١٠ساڵ دەبێت پەیوەندیی بە هەواڵگری چینییەوە كردووە ،بەرامبەر سەدان هەزار دۆلار زانیاری هەواڵگری نهێنی تایبەت بەپیشەسازیی سەربازی ئەمەریکا داوەتە چین.

 

 

هەرلە بەیاننامەکەی ئەمەریکادا هاتووە هانسن هەوڵیداوە هاوپیشەکانی خۆی بەکار بهینێت كە زانیاریی زۆریان لەسەر ئامادەكاریی سەربازیی ئەمەریكا پێبووە، ئەوانیش وەك خۆی بۆ دەزگای هەواڵگری چین بەكاربهینێت.

 

 

وەزارەتی دادی ئەمەریكی راشیگەیاندووە “هانسن زانیویەتی ئەو زانیارییانەی ئەو دەیبەخشێت بە چینییەكان زانیاری زۆر گرنگن لەسەر وڵاتەکەی دەكرێت وڵاتی چین دژ بەوڵاتە یەكگرتووەكانی ئەمەریكا بەكاریان بهێنت”.

 

 

هانسن خۆی دانی بە تاوانەکەیدا ناوە و ڕایگەیەند “چەندین جار زانیاری نهێنی و ساربازی وڵاتەکەی بۆ چین گواستۆتەوە “، چاوەڕوان دەکرێت ئەو سیخوڕە بۆ ماوەی ١٥ ساڵ زیندانی بکرێت.