شەش هاوڵاتی ئەفغانی لە ئاهەنگی نەورۆزدا گیانیان لەدەستدا

سەرچاوە ئەمنیەکانی ئەفغانستان کوژرانی ٦ کەسیان ڕاگەیاند لە سێ تەقینەوەی بەدواییەکدا لە نزیک پایتەختی وڵاتەکە .

 

 

بەسیر موجاهید وتەبێژی پۆلیسی کابوڵ لە ڕاگەیاندراوێکدا بۆ میدیاکانی وڵاتەکەی کوژرانی ٦ هاوڵاتی سڤیلی و برینداربونی زیاتر لە ۲۰ کەسی خستەڕوو .

 

 

ناوبراو ئامەژەشی بەوەکرد تەقینەوەکان لە ڕێی سێ بۆمبی چیندراوەوە ئەنجامدراون .

 

 

جەختیشی کردوە ئەم تەقینەوانە لە ناوچەی کارتا سیخی ڕویان داوە نزیک لە ئاهەنگێکی جەماوەری تایبەت بە یادی نەورۆز کە دەکاتە ساڵی نویی خۆری لە وڵاتە .

 

 

گەلی ئەفغانیش یەکیکن لە گەلە ئارییەکانی جیهان لە سەرەتای هەمو ساڵێکداو لە ۲۱ ئازاردا ئاهەنگی ساڵی نوێی خۆری دەگێڕن شان بە شانی زوربەی ئاین و نەتەوە جیاجیاکانی جیهان .

 

 

شایەنی باسە لە هەرە وڵاتە دیارەکانی جیهان کە ئاهەنگی نەورۆزێ تیا بەڕێوە دەچێت ئەمانەن ئێران ، عیراق ، تورکیا ، قیرغزستان ، ئازربەینجان ، ئەفغانستان ، بەلقان ، مەقدۆنیا ، ڕۆژهەڵاتی چین .